اتىراۋ سوتى بالالارىن ساتقان ەيەلدٸ 8 جىلعا باس بوستاندىعىنان ايىرۋعا ٷكٸم شىعاردى. ونىڭ 4 سىبايلاسى 3 شارتتى تٷردە 3 جىلعا سوتتالدى.
اتىراۋ وبلىسىنىڭ كەمەلەتكە تولماعاندار ٸستەرٸ جٶنٸندەگٸ مامانداندىرىلعان اۋدانارالىق سوتىنىڭ 5 سوتتالۋشىعا قاتىستى ٷكٸمٸ اپەللياتسييالىق تەرتٸپتە قارالدى.
«س.ا. جٷكتٸ بولا تۇرا ماتەريالدىق جاعدايىن جاقسارتۋ ماقساتىندا ٶزٸنٸڭ بالاسىن دٷنيەگە كەلگەن سوڭ ساتاتىن بولىپ, وتباسىلىق جۇپ ر.ب. جەنە ر.گ.-مەن سٶز بايلاسقان. اقشانى بەرگەننەن كەيٸن وتباسىلىق جۇپ بالانى ٶزدەرٸنە العان. س.ا. قايتادان جٷكتٸ بولعان. سول كەزدە بٶتەننٸڭ مٷلكٸن الداۋ جەنە سەنٸمدٸ تەرٸس پايدالانۋ جولىمەن جىمقىرۋ ٷشٸن باسقا ەكٸ وتباسىلىق جۇپقا بالانى بەلگٸلٸ بٸر سومماعا ساتۋعا ۋەدە بەرگەن. الايدا, ولاردىڭ اقشاسىن الىپ, ٸزٸن سۋىتقان. نەتيجەسٸندە جەبٸرلەنۋشٸلەرگە 2,3 ملن. تەڭگە زالال كەلتٸرٸلگەن», - دەپ حابارلادى سوتتىڭ باسپاسٶز قىزمەتٸ.
وسى كەزدە سوتتالۋشى س.ا. ٶزٸنٸڭ بالاسىن دٷنيەگە كەلگەن سوڭ ساتاتىن بولىپ, باسقا وتباسىلىق جۇپ ي.ب. جەنە ۋ.ا.-مەن سٶز بايلاسقان. وتباسىلىق جۇپ بالا دٷنيەگە كەلگەنشە سوتتالۋشى س.ا.-نىڭ شوتىنا اقشا اۋدارىپ وتىرعان. بالا دٷنيەگە كەلگەن سوڭ ي.ب. جەنە ۋ.ا. ونى ٶز وتباسىنا العان. وتباسىلىق جۇپتار ر.ب., ر.گ. جەنە ي.ب., ۋ.ا. جاڭا تۋعان بالالاردى اقشاعا ساتىپ الىپ, ەكەلٸكتٸ انىقتاپ, بالالاردىڭ تۋۋ تۋرالى كۋەلٸكتەرٸنە ٶز اتىن جازدىرعان.
«سوت ٷكٸمٸمەن س.ا. ادامدار توبىنىڭ الدىن الا سٶز بايلاسۋىمەن, بٸرنەشە رەت دەرمەنسiز كٷيدەگٸ كەمەلەتكە تولماعاندار ساۋداسىمەن اينالىسقانى, سونداي-اق, بٸرنەشە رەت الاياقتىق جاساعانى ٷشٸن 8 جىل مەرزٸمگە باس بوستاندىعىنان ايىرۋ جازاسىنا سوتتالعان. ال, ر.ب., ر.گ., ي.ب. جەنە ۋ.ا.-عا ادامدار توبىنىڭ الدىن الا سٶز بايلاسۋىمەن, دەرمەنسiز كٷيدەگٸ كەمەلەتكە تولماعاندار ساۋداسىمەن اينالىسقانى ٷشٸن قر قىلمىستىق كودەكسٸنٸڭ 55-بابىنىڭ 4-بٶلٸگٸن قولدانۋمەن شارتتى تٷردە 3 جىل مەرزٸمگە باس بوستاندىعىنان ايىرۋ جازاسىنا تاعايىندالعان», - دەپ حابارلادى سوتتىڭ باسپاسٶز قىزمەتٸ.
سوتتالۋشىلار مەن ادۆوكاتتار وبلىستىق سوتتىڭ قىلمىستىق ٸستەر جٶنٸندەگٸ سوت القاسىنا اپەللياتسييالىق شاعىم تٷسٸردٸ. شاعىمدانۋشىلار سوت ٷكٸمٸنٸڭ كٷشٸن جويىپ, اقتاۋ ٷكٸمٸن شىعارۋدى سۇرادى.
«القا اپەللياتسييالىق شاعىمداردى زەردەلەي كەلە, سوت ٷكٸمٸن ٶزگەرتۋگە نەمەسە ونىڭ كٷشٸن جويۋعا نەگٸزدەر تاپپادى. وسىعان بايلانىستى قىلمىستىق ٸستەر جٶنٸندەگٸ سوت القاسىنىڭ قاۋلىسىمەن بٸرٸنشٸ ساتى سوتىنىڭ ٷكٸمٸ ٶزگەرٸسسٸز, اپەللياتسييالىق شاعىمدار قاناعاتتاندىرۋسىز قالدىرىلدى», - دەپ مەلٸم ەتتٸ سوتتىڭ باسپاسٶز قىزمەتٸنەن.
