اتىراۋدا ارحەولوگتار كٶنە كەرۋەن ساراي قالدىقتارىن تاپتى, دەپ حابارلايدى قازاقپارات.
تەۋەلسٸزدٸكتٸڭ 30 جىلدىعىنا وراي التىن ورداعا ارنالعان عىلىمي-پراكتيكالىق كونفەرەنتسييا اياسىندا ەكسپەديتسييا ٶتٸپ, وعان عالىمدار مەن ارحەولوگتار قاتىستى.
ماحامبەت اۋدانىنداعى سارايشىق اۋىلىنان 15 شاقىرىم جەردەن «سارايشىق» مەملەكەتتٸك تاريحي-مەدەني قورىق-مۋزەيٸنٸڭ قىزمەتكەرلەرٸ بيىل جٷرگٸزگەن قازبا جۇمىستارى كەزٸندە جەبە ۇشتارى, اينا, كەراميكا سىنىقتارى, تيىن ساقتايتىن شاعىن قۇمىرانى, ٶزبەك حان تۇسىنداعى تەڭگەلەر مەن مونەتالاردى تاپقان.
عالىمدار بۇل جەردە XIV عاسىردا ساۋدا كەرۋەندەرٸ توقتايتىن كەرۋەن سارايى بولعان دەپ بولجايدى.
«وسى جىلدىڭ ماۋسىم ايىندا ارحەولوگييالىق قازبا جۇمىستارىن باستادىق. اششىساي ٶزەنٸنٸڭ جاعاسىندا كەرۋەن سارايى, حالىق تۇراتىن تۇتاس بٸر ەلدٸ مەكەن بولعانىن دەلەلدەيتٸن جەدٸگەرلەردٸ تاپتىق. كٶنە قۇمىرانىڭ سىنىقتارى مەن قىش ىدىستار بارلىق اۋماقتا كەزدەسەدٸ. ارحەولوگييالىق جۇمىستار ەندٸ عانا باستالدى. بٸز بۇل اۋماقتى زەرتتەپ, قازبا جۇمىستارىن جٷرگٸزەمٸز», – دەيدٸ اتىراۋ وبلىستىق تاريحي-مەدەني قورىق-مۇراجايىنىڭ باس ينسپەكتورى ايبەك تۇرارۇلى.
عالىمدار كٶنە كەرۋەن سارايى ورنىن قازاقستاننىڭ تاريحي-مەدەني قۇندىلىقتارى تٸزٸمٸنە ەنگٸزۋدٸ ۇسىندى.
