اتىراۋ تۇرعىنى بٸرنەشە قىمبات كٶلٸكتٸ جالعا الىپ, كەيٸن ساتىپ جٸبەرگەن, دەپ حابارلايدى قازاقپارات.
وبلىستىق پوليتسييا دەپارتامەنتٸنٸڭ باسپاسٶز قىزمەتٸنەن مەلٸم ەتكەندەي, وسى دەرەككە بايلانىستى 29 جاستاعى جٸگٸت ۇستالعان.
«اتىراۋ قالاسىندا تۇراتىن 1993 جىلى تۋعان ازامات 2020 جىلدىڭ قاڭتارىنان بەرٸ بٸرنەشە ادامنان كەلٸسٸمشارت نەگٸزٸندە اۆتوكٶلٸكتەردٸ ارەنداعا العان. كەيٸن جالعا العان قىمبات اۆتوكٶلٸكتەردٸ ساتىپ جٸبەرگەن.
قازٸر 29 جاستاعى جٸگٸت الاياقتىق جاسادى دەگەن كٷدٸكپەن ۇستالدى. اتالعان دەرەككە قاتىستى اتىراۋ قالالىق پوليتسييا باسقارماسى قر قىلمىستىق كودەكسٸنٸڭ 190-بابى 4-بٶلٸگٸمەن سوتقا دەيٸنگٸ تەرگەپ-تەكسەرۋ امالدارىن باستادى», - دەپ حابارلادى دەپارتامەنتتٸڭ باسپاسٶز قىزمەتٸنەن.
بەلگٸلٸ بولعانداي, كٷدٸكتٸگە قاتىستى 13 قىلمىستىق ٸس تەرگەلٸپ جاتىر. باستاپقىدا جەبٸرلەنۋشٸلەردٸڭ 13 كٶلٸگٸ تابىلعان. پوليتسييا قىزمەتكەرلەرٸ كەيٸن تاعى ەكٸ كٶلٸكتٸ انىقتاي الدى.
«قازٸر كٷدٸكتٸ س.م.-نٸڭ ٸس-ەرەكەتٸنەن زارداپ شەككەن ادامداردى ٸزدەستٸرٸپ جاتىرمىز. جەبٸرلەنۋشٸلەردەن اتىراۋ وبلىستىق پوليتسييا دەپارتامەنتٸنٸڭ تەرگەۋ باسقارماسىنا نەمەسە 102 تەلەفونىنا حابارلاسۋدى سۇرايمىز», - دەدٸ ۆەدومستۆودان.
