فوتو: gov.kz
31 مامىردا "اقجايىق" مەملەكەتتٸك تابيعي رەزەرۆاتىندا تۇتانعان قامىس ٶرتٸ بٷگٸن تولىعىمەن سٶندٸرٸلدٸ. بۇل تۋرالى ەكولوگييا جەنە تابيعي رەسۋرستار مينيسترلٸگٸ حابارلادى.
"2025 جىلعى 24 ماۋسىم كٷنٸ ساعات 14:00-دە "اقجايىق" مەملەكەتتٸك تابيعي رەزەرۆاتىنىڭ اۋماعىندا ورىن العان ٶرت تولىقتاي سٶندٸرٸلدٸ", – دەلٸنگەن مينيسترلٸك حابارلاماسىندا.
تٸلسٸز جاۋمەن كٷرەسكە تٶتەنشە جاعدايلار مينيسترلٸگٸنٸڭ 150 قىزمەتكەرٸ جەنە 35 تەحنيكا بٸرلٸگٸ جۇمىلدىرىلدى. ٶرت سەبەبٸ ەلٸ انىقتالعان جوق. مينيسترلٸكتٸڭ حابارلاۋىنشا, تجم قىزمەتكەرلەرٸ قازٸرگٸ تاڭدا ٶرتتٸڭ شىعۋ سەبەپتەرٸن انىقتاپ جاتىر.
ايتا كەتەيٸك, "اقجايىق" مەملەكەتتٸك تابيعي رەزەرۆاتىندا قامىس ٶرتٸ بٸر ايعا دۋىق بىقسىپ جاندى. تابيعي اپات سالدارىنان اتىراۋ قالاسىنىڭ حالقى كٶك تٷتٸنگە تۇنشىعىپ, زارداپ شەكتٸ.
قىزىل جالىن 1500 گەكتاردان استام اۋماقتى شارپىعان. سۋ جاعاسىنداعى قامىس وتقا ورانعانى سەبەپتٸ, ٶرتتٸ سٶندٸرۋ جۇمىستارى ۇزاققا سوزىلعان.
سونداي-اق مينەرالدى جولاق جٷرگٸزۋگە قوسىمشا 10 اۋىل شارۋاشىلىعى تەحنيكاسى جۇمىلدىرىلدى. ال ٶرتتٸڭ شىعۋ سەبەبٸن انىقتاۋ ٷشٸن قىلمىستىق ٸس قوزعالىپ, تەرگەپ-تەكسەرۋ باستالدى. سەبەبٸ, باقىلاۋ جٷيەلەرٸ ٶشٸرٸلگەن بولۋى مٷمكٸن دەگەن بولجام ايتىلدى.
