© Sputnik / ابزال كاليەۆ
كٷنٸ كەشە اتىس بولعان اتىراۋ وبلىسىنىڭ ساعىز اۋىلىندا پوليتسييا قىزمەتكەرلەرٸ ٷشٸن كٷشەيتٸلگەن جۇمىس رەجيمٸ ەنگٸزٸلدٸ, دەپ حابارلايدى "ۇلت اقپارات".
وبلىستىق پوليتسييا دەپارتامەنتٸنٸڭ باستىعى, پوليتسييا پولكوۆنيگٸ قامزا ٷمبەتقاليەۆتىڭ ايتۋىنشا, پوليتسييا قىزمەتكەرلەرٸ قىزىلقوعا اۋدانىنداعى ساعىز اۋىلىندا قوعامدىق تەرتٸپتٸ تۇراقتاندىرۋ مەن تۇرعىنداردىڭ قاۋٸپسٸزدٸگٸن قامتاماسىز ەتۋ ٷشٸن جۇمىلدىرىلعان.
«قازٸر اتالعان اۋىلداعى جاعداي تۇراقتاندى. تۇرعىندار اراسىندا جاپپاي تولقۋ بايقالمايدى. سوعان قاراماستان, تەرتٸپ ساقشىلارى ساعىز اۋىلىن تەۋلٸك بويى پاترۋلدەپ, كٷشەيتٸلگەن رەجيمدە جۇمىسىن جالعاستىرىپ جاتىر. وقيعا ورنىندا اتىراۋ وبلىستىق پوليتسييا دەپارتامەنتٸنٸڭ جەدەل-تەرگەۋ توبى جۇمىس ٸستەۋدە. اتالعان دەرەككە قاتىستى قر قىلمىستىق كودەكسٸنٸڭ 99-بابىنىڭ 2-بٶلٸگٸمەن (ادام ٶلتٸرۋ) تەرگەۋ جٷرٸپ جاتىر», - دەيدٸ قامزا ٷمبەتقاليەۆ.
ايتا كەتەيٸك, سەنبٸ, 30 قازان كٷنٸ كەشكٸ ساعات جەتٸ جارىم شاماسىندا اتىراۋ وبلىسىنىڭ قىزىلقوعا اۋدانىندا, اتىراۋ-اقتٶبە تاس جولىندا, ساعىز اۋىلىنىڭ ماڭىندا اتىس بولدى.
ەۋەلٸ ساعىز اۋىلدىق دەرٸگەرلٸك امبۋلاتوريياسىنا جاراقات العان التى ادام جەتكٸزٸلگەنٸ تۋرالى حابارلاندى. كەيٸنٸرەك 36 جاستاعى ەر ادامنىڭ كٶز جۇمعانى بەلگٸلٸ بولدى.
"كٸسٸ ٶلتٸرۋ" بابى بويىنشا تەرگەۋ باستالدى", - دەپ حابارلادى پوليتسييا.
اتىسقا اۋىل تۇرعىندارى اراسىنداعى جانجال سەبەپ بولعان دەگەن بولجام جاسالىپ وتىر.
