اتىراۋ وبلىسىنىڭ يندەربور كەنتٸندە زار زامان اقىنى مۇرات مٶڭكەۇلى مەن بارد اقىن تابىلدى دوسىموۆقا ارنالعان ەسكەرتكٸش قويىلدى, دەپ حابارلايدى "ۇلت اقپارات".
مۇرات بابا ەسكەرتكٸشٸنٸڭ اۆتورى - قر سۋرەتشٸلەر وداعىنىڭ مٷشەسٸ قۇتتىبەك جاقىپ. بيٸكتٸگٸ 7 مەتر بولاتىن ەسكەركٸش تازا قولادان قۇيىلعان. ەلٸنٸڭ تەۋەلسٸزدٸگٸن اڭساپ جىر تولعاعان مايتالمان جىرشى, تەرمەشٸ رەتٸندە مۇرات مٶڭكەۇلى حالىق اراسىندا تانىلعان. سالتاناتتى شاراعا قاتىسقان اتىراۋ وبلىسى ەكٸمٸنٸڭ بٸرٸنشٸ ورىنباسارى سەرٸك شاپكەنوۆ ايماق باسشىسى اتىنان بٷگٸنگٸ ايتۋلى مەرەكەمەن قۇتتىقتادى.
«قازاقتىڭ زار زامان اقىنى مۇرات مٶڭكەۇلىن تانىمايتىن قازاق جوق. ٶزٸنٸڭ رۋحقا تولى ٶلەڭدەرٸمەن حالىق جادىندا مەڭگٸ ساقتالادى. بٷگٸنگٸ بٸزدٸڭ مٸندەتٸمٸز - ۇلى تۇلعالارىمىزدى ۇلىقتاۋ. وسى ارقىلى جاس ۇرپاقتى تەربيەلەۋٸمٸز كەرەك. بٷگٸن يندەربور كەنتٸندە مۇرات مٶڭكەۇلى مەن تابىلدى دوسىموۆقا ارنالعان ەسكەرتكٸش بوي كٶتەردٸ. اشىلعالى تۇرعان ەكٸ ەسكەرتكٸش قۇتتى بولسىن», - دەيدٸ سەرٸك شاپكەنوۆ.
سونىمەن قاتار, قازاقتىڭ تۇڭعىش بارد اقىنى تابىلدى دوسىموۆقا ارنالعان ەسكەرتكٸشتٸڭ دە سالتاناتتى اشىلۋى ٶتتٸ. شاراعا تابىلدىنىڭ زامانداستارى, قوعام قايراتكەرلەرٸ قاتىستى. بيٸكتٸگٸ 2 مەتر 60 سم بولاتىن ەسكەرتكٸش تازا قولادان قۇيىلعان. تابىلدى اقىننىڭ 45 جاسىندا ٶمٸردەن ٶتۋٸن بٸلدٸرەتٸن 4,5 مەترلٸك گرانيت تاسقا ٶلەڭدەرٸ جازىلعان. سونداي-اق, تابىلدى مۇراسىنىڭ كەيٸنگٸ ۇرپاققا جالعاسۋىن بەينەلەيتٸن گرانيتتىڭ ۇشار باسىندا قۇستار بەينەلەنگەن. ەسكەرتكٸشتٸڭ اۆتورى - قر سۋرەتشٸلەر وداعىنىڭ مٷشەسٸ باقىتبەك مۇحامەتجانوۆ.
«مەن قازاقپىن» دەپ جاھانعا جار سالا جىرلاعان جالىندى اقىن كٸندٸك قانى تامىپ, ٶمٸرٸنٸڭ سوڭعى كٷندەرٸن ٶتكٸزگەن تۋعان توپىراعىندا بٷگٸن سەۋلەتتٸ ەسكەرتكٸش بوي كٶتەرٸپ وتىر. تابىلدى قازاق جادىندا مەڭگٸلٸك ساقتالادى. مۇرات مٶڭكەۇلى ازاتتىقتى ارمانداسا, تابىلدى بيٸكتٸكتٸ اڭسادى. ەكٸ تۇلعانىڭ بٷگٸندە ارمانى ورىندالدى», - دەيدٸ اقىن, تابىلدىنىڭ زامانداسى سۆەتقالي نۇرجان.
ايتا كەتەيٸك, قازاقتىڭ زار زامان اقىنى مۇرات مٶڭكەۇلى مەن بارد اقىن تابىلدى دوسىموۆ يندەر اۋدانىندا جەرلەنگەن.
