اتىراۋ وبلىسىنىڭ ماحامبەت اۋدانىندا بۋما شٶپ ٶرتەنٸپ, 3 بالا قايتىس بولدى, - دەپ حابارلايدى Tengrinews.kz قر تجم ٶكٸلٸنە سٸلتەمە جاساپ.
2021 جىلدىڭ 5 قازانىندا ساعات 19:27-دە كەزەكشٸ پۋلتٸنە ماحامبەت اۋدانى, ورتاقشىل اۋىلى, جاسكەلەنوۆ كٶشەسٸندەگٸ ٷيدٸڭ اۋلاسىنا جينالعان 22 دانا بۋما شٶپ جانىپ جاتقانى تۋرالى حابار كەلٸپ تٷسكەن.
وقيعا ورنىنا №11 ٶسب-نٸڭ ٶرت سٶندٸرۋشٸلەرٸ 19:45-تە جەتٸپ, ٶرت 23:07 مينۋتتا تولىعىمەن سٶندٸرٸلگەن.
الايدا, 6 قازان كٷنٸ 00:02 مينۋتتا ماحامبەت اۋداندىق پوليتسييا بٶلٸمٸنەن ورتاقشىل اۋىلىندا كەمەلەت جاسىنا تولماعان ٷش بالا بەلگٸسٸز جاعدايدا جوعالعانى تۋرالى حابارلاما كەلگەن.
"ٸزدەستٸرۋ جۇمىستارىنا تجد 11 قىزمەتكەرٸ, 3 دانا تەحنيكاسى, 2 كينولوگييالىق ەسەپ, پوليتسييا دەپارتامەنتٸ قىزمەتكەرلەرٸ مەن اۋىل تۇرعىندارى جۇمىلدىرىلدى. جوعالعان 2014 جىلعى ەكٸ بالا مەن 2012 جىلعى بٸر بالانىڭ دەنەسٸ ٶرتەنگەن شٶپتٸڭ اراسىنان تابىلدى. ولاردىڭ دەنەسٸ پد قىزمەتكەرلەرٸنە تاپسىرىلىپ, سوت-مەديتسينالىق ساراپتاماسى تاعايىندالدى. قۇرمەتتٸ قازاقستاندىقتار! قر تجم ٶرت قاۋٸپسٸزدٸگٸ شارالارىن قاتاڭ ساقتاۋدى جەنە بالالاردى قاراۋسىز قالدىرماۋدى ەسكەرتەدٸ", - دەيدٸ قر تجم باسپاسٶز قىزمەتٸ ٶكٸلٸ.
