اتىراۋ وبلىسى قۇرمانعازى اۋداندىق اۋرۋحاناسىنىڭ ناۋقاسقا كٶمەك كٶرسەتپەگەنٸ ٷشٸن ايىپتالعان ەكٸ دەرٸگەرٸنە قاتىستى قىلمىستىق ٸس قارالىپ, سوت ٷكٸمٸ شىقتى, دەپ حابارلايدى قازاقپارات.
دەرٸگەرلەرگە قر قىلمىستىق كودەكسٸ 317-بابىنىڭ 3-بٶلٸگٸمەن ايىپ تاعىلعان.
«سوت تالقىلاۋىندا مىنا جايتتار انىقتالدى. ستاتسيوناردىڭ ينفەكتسيونيست دەرٸگەرٸ ش. جەنە انەستەزيولوگ-رەانيماتولوگ دەرٸگەرٸ ج. 2020 جىلدىڭ 29, 30, 31 جەلتوقسانىندا پنەۆمونييا جەنە قانت ديابەتٸ قوسالقى اۋرۋى دياگنوزىمەن اۋرۋحاناعا تٷسكەن ناۋقاس ك.-عا تيٸستٸ مەديتسينالىق كٶمەك كٶرسەتپەگەن. دەرٸگەرلەردٸڭ كەسٸپتٸك مٸندەتتەرٸنە ۇقىپسىز قاراۋى جەنە ولاردى تيٸسٸنشە ورىنداماۋى سالدارىنان ناۋقاس قايتىس بولدى. سوتتالۋشىلاردىڭ كٸنەسٸ جەبٸرلەنۋشٸلەردٸڭ, كۋەلاردىڭ, ساراپشىلاردىڭ ايعاقتارىمەن, كوميسسييالىق سوت-مەديتسينالىق ساراپتامانىڭ قورىتىندىسىمەن ٶز دەلەلٸن تاپتى», - دەپ مەلٸمدەدٸ قۇرمانعازى اۋداندىق سوتىنىڭ باسپاسٶز قىزمەتٸنەن.
پروكۋرور ەكٸ سوتتالۋشىعا دەرٸگەرلٸك قىزمەتپەن اينالىسۋ قۇقىعىنان 3 جىل, باس بوستاندىعىنان 2 جىل 6 اي مەرزٸمگە ايىرۋ تٷرٸندەگٸ جازا تاعايىنداۋدى, سونداي-اق سوتتالۋشىلار ونشا اۋىر ەمەس قىلمىس جاساعاندىقتان, ولاردى راقىمشىلىق اكتٸسٸ بويىنشا نەگٸزگٸ جازادان بوساتۋدى سۇرادى.
سوت جازانى جەڭٸلدەتەتٸن مەن-جايلار رەتٸندە ولاردىڭ بۇرىن سوتتى بولماعانىن, سوتتالۋشى ش.-نىڭ جاس بالالارى بارىن ەسكەردٸ.
«سوتتالۋشىلاردىڭ ەرقايسىسىنىڭ رٶلٸن جەنە جەبٸرلەنۋشٸلەردٸڭ پٸكٸرٸن ەسكەرە وتىرىپ, سوت ش.-عا 2 جىل 6 اي مەرزٸمگە باس بوستاندىعىنان ايىرۋ تٷرٸندەگٸ نەگٸزگٸ جازانى, سونداي-اق 3 جىلعا دەرٸگەرلٸك قىزمەتپەن اينالىسۋ قۇقىعىنان ايىرۋ تٷرٸندەگٸ قوسىمشا جازانى تاعايىندادى. ج.-عا 2 جىل 6 اي مەرزٸمگە دەرٸگەرلٸك قىزمەتپەن اينالىسۋ قۇقىعىنان ايىرا وتىرىپ, 2 جىل مەرزٸمگە باس بوستاندىعىنان ايىرۋ جازاسىن تاعايىندادى. قىلمىستىق كودەكسكە سەيكەس ش. جەنە ج.-نىڭ ەرەكەتتەرٸ ونشا اۋىر ەمەس قىلمىستارعا جاتاتىندىقتان, «قازاقستان رەسپۋبليكاسى تەۋەلسٸزدٸگٸنٸڭ 30 جىلدىعىنا بايلانىستى راقىمشىلىق جاساۋ تۋرالى» زاڭعا سەيكەس ولار باس بوستاندىعىنان ايىرۋ تٷرٸندەگٸ نەگٸزگٸ جازادان بوساتىلدى. سوتتالعانداردان جەبٸرلەنۋشٸلەردٸڭ پايداسىنا 8 ملن تەڭگە مورالدىق زالال ٶتەماقىسى ٶندٸرٸلدٸ», - دەپ مەلٸم ەتتٸ اۋداندىق سوتتىڭ باسپاسٶز قىزمەتٸنەن.
سوت ٷكٸمٸ زاڭدى كٷشٸنە ەنگەن جوق.
