اتىراۋ وبلىسىنىڭ سٷيٸندٸك اۋىلىندا بٸر ايدان بەرٸ بەلگٸسٸز اۋرۋدان ەكٸ مىڭنان استام قوي قىرىلىپ قالدى. شارۋاشىلىقتا ەدٸلباي قويى ٶسٸرٸلەدٸ.
اتىراۋ وبلىسى قۇرمانعازى اۋدانىنىڭ سٷيٸندٸك اۋىلىندا سەۋٸر ايىنان بەرٸ قوي جاپپاي قىرىلا باستادى, دەپ حابارلايدى 24.kz.
شىعىن مٶلشەرٸ 60 ميلليون تەڭگەدەن اسقان. جٷز ادام جۇمىس ٸستەيتٸن اسىلتۇقىمدى شارۋاشىلىق جەتەكشٸلەرٸ بۇل شارۋاشىلىقتىڭ بٸر جىلدىق تابىسى ەكەنٸن ايتادى.
سەۋٸر ايىندا باستالعان ٸندەتتەن كٷنٸ بٷگٸنگە دەيٸن 2100 باس ەدٸلباي قويى ارام ٶلگەن. بارلىق وتارداعى مالعا ەكپە جاسالعانىمەن, ٶلٸم-جٸتٸم ەلٸ دە تولاستاماي تۇر. «ال جەرگٸلٸكتٸ اتقارۋشى بيلٸك ٶكٸلدەرٸنەن قايىر جوق», – دەيدٸ شارۋالار.
ماماندار قوي شەشەك اۋرۋىنىڭ كەسٸرٸنەن قىرىلىپ جاتىر دەگەن دياگنوز قويعان. تەز ارادا 36 مىڭ ۆاكتسينا الىنىپ, ەكپە جاسالىنعان ەكەن.
"باستاپقى كەزدە ناقتى دياگنوزى تابىلماعانىمەن, مالدى امان الىپ قالۋ ٷشٸن وتارعا تٷگەلدەي ەكپە جاسالدى. بارلىق شارانى قولدانساق تا, شىعىن ەلٸ دە توقتاماي تۇر", - دەدٸ مال دەرٸگەرٸ حاليىق سەيٸتجانوۆ.
سىنامالار اتىراۋ مەن استاناداعى زەرتحاناعا جٸبەرٸلدٸ. اۋىل شارۋاشىلىعى مينيسترلٸگٸنٸڭ جاۋابى كٶپ كٷتتٸرگەن جوق. الايدا مەسەلە مۇنىمەن شەشٸلمەدٸ. شەشەك اۋرۋى دياگنوزى راستالماعان. بٸراق مالدىڭ قىرىلۋىنىڭ ناقتى سەبەبٸ انىقتالماپتى.
"بٸزدٸڭ مالدىڭ دياگنوزى ەلٸ كٷنگە دەيٸن انىقتالماي وتىر. قۇزىرلى ورگاندار وسىنى حابارلاپ, مٷمكٸندٸگٸنشە بٸزگە دوتاتسييا, بولماسا ٶتەماقى تٶلەپ كٶمەك ەتسە دەگەن ويىم بار", - دەدٸ شارۋا قوجالىعىنىڭ باسشىسى باۋىرجان يساقۇلوۆ.
ٶزگە شارۋا قوجالىقتارىندا دا قويدىڭ قىرىلىپ جاتقانى بەلگٸلٸ بولدى. جەرگٸلٸكتٸ تۇرعىنداردىڭ قورالارىنداعى مال دا بەلگٸسٸز ٸندەتكە شالدىققان.
ەدٸلباي قويى
بۇل - قازاقى قوي تۇقىمىنىڭ بٸر تٷرٸ. 19 عاسىردىڭ اياعىندا ەدٸل-جايىق بويىنان تاراعان. قۇرعاق جەنە شٶلەيت ايماقتاردا ٶسۋگە بەيٸمدەلگەن. تٷسٸ بوزعىلت, قىزىل قوڭىر, كٶبٸنەسە قارا بولادى. دەنە بٸتٸمٸ مىعىم, باسى ٷلكەن, تۇرقى ۇزىن, جوتالى, كەۋدەسٸ كەڭ. قوشقارىنىڭ سالماعى 100 – 120 كەلٸ, ساۋلىعى 65 – 75 كەلٸ. ەدٸلباي قويى تەز ٶسەدٸ. بۇل تۇقىم قۇيرىقتى قازاقى قوي تۇقىمدارىن جاقسارتۋ ٷشٸن پايدالانىلادى. كٶبٸنەسە باتىس قازاقستان, قاراعاندى وبلىستارىندا ٶسٸرٸلەدٸ.
