اتىراۋ وبلىسىندا بٸر تەۋلٸكتە 111 ادام كوروناۆيرۋسقا شالدىقتى, دەپ حابارلايدى وبلىستىق دەنساۋلىق ساقتاۋ باسقارماسى باسپاسٶز قىزمەتٸ.
ناۋقاستاردا قاۋٸپتٸ ۆيرۋس پتر-تەست نەتيجەسٸندە راستالعان. ناۋقاستاردىڭ اراسىندا 29 ادام اتىراۋ قالاسىندا تٸركەلگەن. سونداي-اق, تەڭٸز كەنٸشٸندە 71 جۇمىسشى, قۇرمانعازى اۋدانىندا 4, قىزىلقوعادا – 2, جىلىويدا – 2, يندەردە – 1, يساتايدا – 1, ماقات اۋدانىندا 1 ادامنان سovid-19 انىقتالعان. كورونوۆيرۋستىڭ سيمپتومدى تٷرٸ 26 ناۋقاستان تابىلعان.
«سوڭعى مەلٸمەتكە سەيكەس, ٶتكەن تەۋلٸكتە كوروناۆيرۋس ينفەكتسيياسىنان 63 ادام جازىلىپ شىقتى. قازٸر 166 ادام ٷي جاعدايىندا ەمدەلۋدٸ جالعاستىرۋدا. وبلىستىق ينفەكتسييالىق ستاتسيوناردا 103, اۋداندارداعى ستاتسيونارلاردا - 41, ال, تەڭٸز كەنٸشٸندەگٸ ستاتسيوناردا 848 ادام ەمدەلٸپ جاتىر», - دەپ حابارلادى باسقارمانىڭ باسپاسٶز قىزمەتٸ.
ەسكە سالا كەتەلٸك, بۇعان دەيٸن اتىراۋدا كٶپشٸلٸك ٸس-شارانى ٶتكٸزۋگە تىيىم سالىنىپ, تەڭٸز كەنٸشٸندە كارانتيندٸك شەكتەۋلەر ۇزارتىلعان بولاتىن.
