فوتو: ۆيدەودان الىنعان سكرين
اتىراۋ وبلىسى قۇرمانعازى اۋدانىنىڭ بٸرنەشە اۋىلىندا بەلگٸسٸز ٸندەتتەن تٷيەلەر قىرىلىپ جاتىر. جاۋاپتى ماماندار ماۋسىم ايىنان بەرٸ 200-دەن اسا تٷيە اۋىرىپ, 84-ٸ قىرىلعانىن راستاپ وتىر, دەپ حابارلايدى Kazinform.
ٸندەت تاراعان قۇرمانعازى اۋدانىنىڭ دىڭعىزىل, ەڭبەكشٸ, ماقاش اۋىلدارىنداعى احۋال كٷردەلٸ. ال تۇرعىندار مۇنداي جاعداي بىلتىر دا تٸركەلگەنٸمەن مال شىعىنى كٶپ بولماعانىن ايتادى.
— مەنٸڭ ٶزٸمنەن قازٸر 5 انالىق تٷيە, 2 بوتا ٶلدٸ. دەرٸگەرلەر قولىنان كەلگەنشە كٶمەكتەسٸپ جاتىر. بٸز تەك سول مالمەنەن كٷن كٶرٸپ وتىرمىز, — دەيدٸ دىڭعىزىل اۋىلىنىڭ تۇرعىنى فازيليا قابدولوۆا.
تۇرعىندار تٷيدەن بٶلەك جىلقى مالىنان دا بەلگٸسٸز اۋرۋ شىققانىن ايتىپ, الاڭداۋشىلىق بٸلدٸرٸپ وتىر.
ماماندار اۋىرۋدىڭ سەبەبٸن انىقتاۋ ماقساتىندا سىناما الىپ, زەرتحاناعا جٸبەرگەن. بٸراق, ۇلتتىق رەفەرەنتتٸك ۆەتەرينارييالىق ورتالىق قوزدىرعاشتاردىڭ جوعىن انىقتاعان.
— وبلىس ەكٸمدٸگٸ تاراپىنان اۋىل شارۋاشىلىعى مينيسترلٸگٸ ۆەتەرينارلىق باقىلاۋ جەنە قاداعالاۋ كوميتەتٸنە ۇسىنىس حات جولداپ, وسى ٸندەتتٸڭ ناقتى نەدەن پايدا بولعانىن انىقتاۋ ماقساتىندا ارنايى مامانداردى جٸبەرۋٸن سۇرادىق. سول بويىنشا قازٸر حابار كٷتٸپ وتىرمىز, — دەدٸ وبلىستىق اۋىل شارۋاشىلىعى جەنە جەر قاتىناستارى باسقارماسى ۆەتەرينارييا بٶلٸمٸنٸڭ باس مامانى ىقىلاس ازاماتوۆ.
قۇرمانعازى اۋدانىندا كٷيٸسٸنەن جاڭىلىپ, بەلگٸسٸز اۋرۋعا شالدىققان 47 تٷيەنٸ مال دەرٸگەرلەرٸ ەمدەپ جاتىر. ال ٶلەكسەلەردٸ جەرگٸلٸكتٸ ەكٸمدٸك پەن ۆەتەرينارييالىق قىزمەت ماماندارى تالاپقا ساي جويۋعا كٸرٸستٸ.
