بٷگٸن نۇر-سۇلتان قالاسىنان كەلگەن رەسەيلٸك دەرٸگەرلەردٸ اتىراۋ وبلىسىنىڭ ەكٸمٸ ماحامبەت دوسمۇحامبەتوۆ قابىلداپ, قالىپتاسقان احۋالدى تٷسٸندٸرٸپ, جۇمىسىنا تابىس تٸلەدٸ, - دەپ حابارلايدى ٶڭٸرلٸك كوممۋنيكاتسييالار قىزمەتٸ.
«جاعدايدى كٶرٸپ وتىرسىزدار. ەلٸمٸزدە قازٸر كوروناۆيرۋسپەن بٸرگە پنەۆمونييا دەرتٸ دە ۋشىعىپ تۇر. وسى ايدا وبلىستىق اۋرۋحانا جانىنان 400 ورىندىق ينفەكتسييالىق ستاتسيونار اشىلادى, سونىمەن بٸرگە قۇرمانعازى اۋدانىنان دا قوسىمشا ورىندار جاساقتالىپ جاتىر. بٸز قاجەتتٸ ستاتسيونارلىق ورىنمەن, دەرٸ-دەرمەكپەن, قۇرال-جابدىقپەن تولىقتاي قامتاماسىز ەتەمٸز. باستىسى, سول جاساقتالىپ, اشىلىپ جاتقان ورىنداردا ناۋقاستاردى ەمدەيتٸن دەرٸگەرلەر كەرەك. جىلدار بويى كەلە جاتقان مەديتسينالىق ماماندار تاپشىلىعى قيىن كەزدە انىق بايقالدى», - دەپ اتاپ ٶتتٸ اتىراۋ وبلىسىنىڭ ەكٸمٸ ماحامبەت دوسمۇحامبەتوۆ.
سونداي-اق ايماق باسشىسى جاقىن ارادا رەسەيدٸڭ استراحان وبلىسىنان تاعى بەس دەرٸگەر مامان كەلەتٸنٸن دە ايتتى.
«پاندەمييامەن كٷرەسكە جۇمىلدىرىلعان بارلىق دەرٸگەرلەرگە جاعدايى جاسالعان ەرٸ جان-جاقتى قولداۋ جالعاسا بەرەدٸ»,- دەدٸ ول.
ۋاقىتشا ساپارمەن كەلگەن رەسەيلٸك دەرٸگەرلەر اتىراۋدا ٷشٸنشٸ تامىزعا دەيٸن جۇمىس ٸستەيدٸ.
ەسكە سالا كەتەلٸك, بۇعان دەيٸن اتىراۋ وبلىسىندا مەديتسينا سالاسىندا 278 مامان جەتٸسپەيتٸنٸن حابارلاعان بولاتىنبىز.
