اتىراۋ وبلىسى ەكٸمٸنٸڭ ورىنباسارى بيۋدجەت قاراجاتىن ىسىراپ ەتتٸ دەگەن كٷدٸككە ٸلٸنگەن, دەپ حابارلايدى قازاقپارات.
وبلىس ەكٸمٸ باسپاسٶز قىزمەتٸنٸڭ تاراتقان اقپاراتىنا قاراعاندا, اتىراۋ وبلىسى ەكٸمٸنٸڭ ورىنباسارى قايرات نۇرلىباەۆ پروكۋروردىڭ 2021 جىلعى 13 شٸلدەدەگٸ قاۋلىسىمەن قىلمىستىق ٸس بويىنشا كٷدٸكتٸ دەپ تانىلعان.
«وبلىس ەكٸمٸنٸڭ ورىنباسارى 83,7 ملن تەڭگە كٶلەمٸندەگٸ ينۆەستيتسييالىق سۋبسيدييانى «بۇيىرعىن» اۋىلشارۋاشىلىق ٶندٸرٸستٸك كووپەراتيۆٸنە زاڭسىز تٶلەۋ فاكتٸسٸ بويىنشا بيۋدجەت قاراجاتىن ىسىراپ ەتتٸ دەگەن كٷدٸككە ٸلٸنٸپ وتىر. قايرات نۇرلىباەۆ وبلىستىق اۋىل شارۋاشىلىعى باسقارماسىن باسقارىپ تۇرعان كەزدە (اتالعان لاۋازىمعا ول 2019 جىلعى 5 ماۋسىمدا تاعايىندالعان), ياعني 2019 جىلدىڭ 26 ماۋسىمى مەن 4 جەلتوقسانى ارالىعىندا ينۆەستيتسييالىق سۋبسيدييا كەلٸسٸمشارتىن جاساعان جەنە ينۆەستيتسييالىق سۋبسيدييانى تٶلەگەن. بٷگٸنگٸ كٷنگە دەيٸن «بۇيىرعىن» كووپەراتيۆٸ 83,7 ملن تەڭگە كٶلەمٸندەگٸ بورىشتى تولىقتاي ورنىنا كەلتٸردٸ» دەپ اقپارات تاراتتى ەكٸمدٸكتٸڭ باسپاسٶز قىزمەتٸ.
قايرات نۇرلىباەۆ وبلىس ەكٸمٸنٸڭ ورىنباسارى لاۋازىمىنا بيىلعى قاڭتاردا تاعايىندالعان ەدٸ.
