اتىراۋ وبلىستىق تاريحي-ٶلكەتانۋ مۋزەيٸندە تەۋەلسٸزدٸكتٸڭ 30 جىلدىعى جەنە تۇڭعىش پرەزيدەنت كٷنٸ قارساڭىندا «ەلباسى جەنە تەۋەلسٸز قازاقستان تاريحى», «ۇلىق ۇلىس – التىن وردا» ەكسپوزيتسييالىق زالدارى اشىلدى, دەپ حابارلايدى قازاقپارات.
سالتاناتتى شاراعا قاتىسقان مەدەنيەت جەنە قوعام قايراتكەرلەرٸ, عالىمدارعا ەكسپوزيتسييالىق زالدارداعى جەدٸرگەرلەر تانىستىرىلدى. وبلىس ەكٸمٸ ماحامبەت دوسمۇحامبەتوۆ ٸس-شاراعا قاتىسۋشىلاردى تۇڭعىش پرەزيدەنت كٷنٸمەن قۇتتىقتاپ, تەۋەلسٸزدٸكتٸڭ 30 جىلىندا ٸسكە اسىرىلعان جوبالارعا توقتالادى.
«قاستەرلٸ تەۋەلسٸزدٸگٸمٸزدٸڭ 30 جىلدىعى – قايتا جاڭعىرعان قازاق مەملەكەتتٸگٸنٸڭ, اتا-بابالارىمىز اڭساعان ازاتتىقتىڭ تۇعىرى نىعايا تٷسكەنٸن ەيگٸلەيتٸن ماڭىزدى بەلەس. تەۋەلسٸز مەملەكەت بولىپ ەلەمدەگٸ ٶركەنيەتتٸ ەلدەر قاتارىنان كٶرٸندٸ. ەلباسى-تۇڭعىش پرەزيدەنت نۇرسۇلتان نازارباەۆتىڭ باسشىلىعىمەن مەملەكەتٸمٸزدٸڭ شەكاراسى شەگەندەلٸپ, بيلٸك جٷيەسٸ قالىپتاستى, ۇلتتىق ۆاليۋتامىز اينالىمعا ەندٸ, قارۋلى كٷشتەرٸمٸز قۇرىلدى, اتا زاڭىمىز قابىلداندى, شەت ەلدەرمەن ديپلوماتييالىق قاتىناس ورنادى, ەلٸمٸز بەدەلدٸ حالىقارالىق ۇيىمدارعا مٷشە بولدى. «قازاقستان – 2030», «قازاقستان – 2050» ستراتەگييالىق باعدارلامالارى قابىلدانىپ, وزىق دامىعان وتىز ەلدٸڭ قاتارىنا قوسىلۋدى مەجەلەدٸك», - دەدٸ ماحامبەت دوسمۇحامبەتوۆ.
ەكٸمنٸڭ ايتۋىنشا, تەۋەلسٸز مەملەكەتتٸڭ قۇرىلۋى مەن نىعايۋ تاريحىنان سىر شەرتەتٸن ماتەريالداردى توعىستىرعان, ەلباسىنىڭ ٶمٸر جولىن باياندايتىن تاريحي دەرەكتەر مەن قايراتكەرلٸك قىرىن كٶرسەتەتٸن مۇراعات قۇجاتتارى توپتاستىرىلعان «ەلباسى جەنە تەۋەلسٸز قازاقستان تاريحى» ەكسپوزيتسييا زالىنىڭ ورنى ەرەكشە. سونداي-اق تەۋەلسٸزدٸكتٸڭ 30 جىلدىعىن مەرەكەلەۋ اياسىندا اشىلعان «ۇلىق ۇلىس – التىن وردا» زالىنىڭ ۇرپاق تەربيەسٸندە الار ورنى ەرەكشە بولماق.
قر بٸلٸم جەنە عىلىم مينيسترلٸگٸ عىلىم كوميتەتٸ مەملەكەت تاريحى ينستيتۋتىنىڭ ديرەكتورى, تاريح عىلىمدارىنىڭ دوكتورى, پروفەسسور ەركٸن ەبٸل اشىلعان زالدىڭ كەلەر ۇرپاققا ماڭىزىن ايتىپ بەردٸ.
«بٷگٸنگٸ اشىلعان ەكسپوزيتسييا تاريحي سانانى جاڭعىرتۋ جولىنداعى كەزەكتٸ قادام دەپ ايتۋعا بولادى. مۋزەي – تاريحي جەدٸگەرلەردٸ ساقتاۋ عانا ەمەس, ٶسكەلەڭ ۇرپاققا اتا-بابامىزدان قالعان مۇرالار ارقىلى تەلٸم-تەربيە بەرۋگە ارنالعان ٷلكەن ەلەۋمەتتٸك نىسان. سوندىقتان بٷگٸنگٸ ٸس-شارانىڭ ماڭىزى زور دەپ بٸلەمٸن. ٶيتكەنٸ, ۇجىمدىق تاريحي جادىمىزدى قالىپتاستىرۋ ارقىلى ۇلتتىق سانامىزدى جاڭعىرتا الامىز», - دەدٸ ەركٸن ەبٸل.
ال قازاقستاننىڭ قۇرمەتتٸ جۋرناليسٸ, ٶلكەتانۋشى تٶلەگەن جاڭابايۇلى, «سارايشىق مەملەكەتتٸك مۋزەي-قورىعى» مەكەمەسٸنٸڭ ديرەكتورى, تاريح عىلىمدارىنىڭ دوكتورى, پروفەسسور ەبٸلسەيٸت مۇقتار, ح.دوسمۇحامەدوۆ اتىنداعى اتىراۋ مەملەكەتتٸك ۋنيۆەرسيتەتٸنٸڭ وقىتۋشىسى, تاريح عىلىمدارىنىڭ كانديداتى مارات قاسەنوۆ ٶڭٸردەگٸ تاريحي قالالار مەن كٶنە سارايشىق تۋرالى پٸكٸرلەرٸن ورتاعا سالدى.
