جەڭٸستٸڭ 75 جىلدىعى قارساڭىندا اتىراۋ حالىقارالىق ەۋەجايىنا اتى اڭىزعا اينالعان ۇشقىش, قازاقستاننىڭ حالىق قاھارمانى حياۋاز دوسپانوۆانىڭ ەسٸمٸ بەرٸلدٸ, دەپ حابارلايدى "ۇلت اقپارات".
«التى مينيسترلٸكتەن رۇقسات الدىق. ەۋەجايعا قازاقتىڭ باتىر قىزى حيۋاز دوسپانوۆانىڭ ەسٸمٸن بەرۋ ٷشٸن رەسپۋبليكالىق ونوماستيكالىق كوميسسييا رەسمي شەشٸم قابىلدادى», - دەپ مەلٸم ەتتٸ وبلىستىق تٸلدەردٸ دامىتۋ باسقارماسى ونوماستيكا بٶلٸمٸنٸڭ باسشىسى جەمٸس ديياشەۆا.
حيۋاز قايىرقىزى دوسپانوۆا 1922 جىلى 15 مامىردا اتىراۋ وبلىسىندا دٷنيەگە كەلگەن. ەكٸنشٸ دٷنيەجٷزٸلٸك سوعىستىڭ ارداگەرٸ, ۇشقىش, شتۋرمان-اتقىش, حالىق قاھارمانى. 1940 جىلى ورالداعى №1 ورتا مەكتەبٸن ٷزدٸك بٸتٸرگەن. ۇشقىشتىق ٶمٸر جولىن ورال اەروكلۋبىندا باستاپ, كەيٸن سوعىسقا اتتانادى. حيۋاز دوسپانوۆا سول كەزدٸڭ ٶزٸندە تەڭدەسسٸز ەرلٸگٸ ٷشٸن «قاناتتى قىز» اتانعان.
حيۋاز قىزمەت ەتكەن پولك سولتٷستٸك كاۆكاز, كۋبان, قىرىم, ۋكراينا, بەلارۋس, پولشا, گەرمانييا اسپانىنداعى شايقاستارعا قاتىسقان. قازاق قىزى قان مايداندا 300-دەن اسا جاۋىنگەرلٸك وپەراتسييا ورىنداپ, اسا ماڭىزدى جاۋ شەبٸن تالقاندايدى.
2008 جىلى 21 مامىردا الماتى قالاسىندا 86 جاسىندا دٷنيەدەن وزدى.
