فوتو: © Sputnik / ۆلاديسلاۆ ۆودنەۆ
مەجٸلٸس دەپۋتاتى ەدٸل جۇبانوۆ ٷكٸمەتكە اتىراۋ وبلىسىن ەكولوگييالىق داعدارىس ايماعى دەپ تانىپ, جەڭٸلدٸكتەر مەن ٶتەماقى تٶلەۋ جٷيەسٸن ەنگٸزۋدٸ ۇسىندى, دەپ حابارلايدى Sputnik قازاقستان.
مەجٸلٸس دەپۋتاتى ەدٸل جۇبانوۆ پرەمەر-مينيستردٸڭ بٸرٸنشٸ ورىنباسارى رومان سكليارعا جولداعان دەپۋتاتتىق ساۋالىندا اتىراۋ قالاسىنىڭ ەكولوگيياسىن قوزعادى.
"وبلىستاعى ەكولوگييالىق احۋال – رەسپۋبليكالىق دەڭگەيدەگٸ پروبلەماعا اينالعانىمەن حالىقتىڭ جان-ايقايىن ەستيتٸن مينيسترلٸك تە, ٷكٸمەت تە جوق. جىل سايىن ٶڭٸردە ونكولوگييالىق اۋرۋلار بەلەڭ الىپ, مٷمكٸندٸگٸ شەكتەۋلٸ, تۋابٸتتٸ ناۋقاس بالالار سانى ارتىپ وتىر. اشىنعان اتىراۋلىقتار بەيبٸت ميتينگكە شىعىپ, وبلىستاعى جەر قويناۋىن پايدالانۋشىلار مەن ٷكٸمەتكە ناقتى تالاپتارىن قويدى. تٷپتەپ كەلگەندە, اتىراۋ حالقى تازا اۋاعا زەرۋ", - دەيدٸ جۇبانوۆ.
مەجٸلٸسمەن "30 جىل ٸشٸندە اتىراۋدىڭ تەك دونور ايماق رەتٸندە قارالىپ, وبلىستىڭ ەكونوميكالىق-ەلەۋمەتتٸك دامۋىنا مەملەكەتتٸك دەڭگەيدە كٶڭٸل بٶلٸنبەۋٸ – اتىراۋ حالقىنا جاسالعان ەدٸلەتسٸزدٸك" دەپ ەسەپتەيدٸ.
"بٷكٸل ەلدٸ مۇنايىمەن اسىراپ, تۇتاس ەلدٸڭ كەم-كەتٸگٸن جاماپ وتىرعان اتىراۋدىڭ حالقى بٸر كٷندە ۇيقىدان ويانباي قالۋى مٷمكٸن. سوندىقتان دا اتىراۋلىقتاردىڭ ەكولوگيياعا قاتىستى تالاپتارى ورىندى, سۇراۋلارى زاڭدى", - دەپ سانايدى حالىق قالاۋلىسى.
وسى ورايدا جۇبانوۆ اتىراۋدىڭ ەكولوگيياسىن جاقسارتۋدى ٷكٸمەت دەڭگەيٸندە شەشۋ ٷشٸن بٸرنەشە ۇسىنىس جولدادى.
بٸرٸنشٸسٸ – ٷكٸمەت جاۋاپتى مينيسترلٸكتەرمەن بٸرلەسٸپ, اتىراۋ وبلىسىن ەكولوگييالىق داعدارىس ايماعى دەپ تانىپ, ەكولوگييالىق كوەففيتسيەنت, جەڭٸلدٸكتەر مەن ٶتەماقىلار تٶلەۋ جٷيەسٸن ەنگٸزۋٸ قاجەت.
ەكٸنشٸدەن, دەپۋتاتتىڭ ايتۋىنشا, اتىراۋ قالاسى اتموسفەراسىنىڭ ٶندٸرٸستٸك وبەكتٸلەرمەن, ەسٸرەسە اتىراۋ مۇناي ٶڭدەۋ زاۋىتىمەن لاستانۋى قاۋٸپتٸ دەڭگەيگە جەتكەن. وسىعان بايلانىستى قازمۇنايگاز كومپانيياسىنا اتىراۋ مٶز-دە تەحنولوگييالىق اۋديت جٷرگٸزٸپ, زاۋىتتا تولىقتاي ەكولوگييالىق جاڭعىرتۋ جۇمىستارىن اياقتاۋ, قورشاعان ورتاعا تەرٸس ەسەردٸ جويۋدى مٸندەتتەۋ قاجەت.
"نەمەسە زاۋىتتى قالادان كٶشٸرۋ مەسەلەسٸ قاراستىرىلسىن", - دەپ ۇسىندى جۇبانوۆ.
سونداي-اق, اتىراۋ مۇناي ٶڭدەۋ زاۋىتىنىڭ ٶنەركەسٸپ وبەكتٸلەرٸنەن 1 000 مەترگە جەتپەيتٸن قاشىقتىقتا تۇرعىن ٷيلەر ورنالاسقان. "گەوپورتال" اقپاراتتىق جٷيەسٸنە سەيكەس, بٷگٸندە زاۋىتتىڭ سانيتارلىق قورعاۋ ايماعىندا 40-تان استام ٷي قالىپ وتىر. بۇل ٷيلەردٸڭ ەلەرٸ زاۋىتتىڭ يٸسٸنەن ۋلانىپ, دەنساۋلىعىنا زييان كەلگەنٸن العا تارتىپ, نارازىلىق اكتسييالارىن ۇيىمداستىرۋدا.
"وسىعان بايلانىستى قازمۇنايگاز زاۋىتتىڭ سانيتارلىق-قورعاۋ ايماعىنىڭ شەكاراسىن قايتا بەلگٸلەۋ جەنە اتالعان تۇرعىن ٷيلەردٸ كٶشٸرۋ مەسەلەسٸن شۇعىل شەشۋٸ قاجەت", - دەپ مەلٸمدەدٸ دەپۋتات.
ٷشٸنشٸسٸ – اتىراۋ وبلىسى بويىنشا ٸ ساناتتى كەسٸپورىنداردىڭ اتموسفەراعا شىعارىندىلارىنىڭ شەكتٸ كٶرسەتٸلگەن كٶلەمٸن قايتا قاراپ, ەكٸ ەسە تٶمەندەتۋ كەرەك. قازبا بايلىقتى يگەرٸپ جاتقان كومپانييالاردى جاڭا تەحنولوگييالاردى ەنگٸزۋگە ىنتالاندىراتىن زاڭ نورمالارى قابىلدانۋعا تيٸس.
تٶرتٸنشٸسٸ – اتىراۋ وبلىسىنداعى ەكولوگييالىق احۋالدى جاقسارتۋ باعىتىندا بٸرقاتار قورشاعان ورتانى قورعاۋ جوباسىن جٷزەگە اسىرۋ قاجەت. ولار: اتىراۋ قالاسىندا كەرٸزدٸك سۋلاردى تازارتۋ قوندىرعىلارىن سالۋ جەنە قايتا جاڭعىرتۋ, قاتتى تۇرمىستىق قالدىق پوليگوندارىن جەنە قوقىستى قايتا ٶڭدەۋ كەشەندەرٸن سالۋ جوبالارى.
"جوعارىدا اتالعان ۇسىنىستار نەگٸزٸندە ٷكٸمەت دەڭگەيٸندە مەملەكەتتٸك كوميسسييا قۇرۋ, ٷكٸمەتكە وبلىستاعى ەكولوگييالىق احۋالدى تولىققاندى شەشۋ جولدارىن ۇسىنىپ, كەشەندٸ جوسپار قابىلداۋدى سۇرايمىن. 30 جىل ەلدٸ اسىراپ كەلە جاتقان اتىراۋدىڭ مۇنايى عانا ەمەس, ادامى دا قىمبات ەكەنٸن ەستەن شىعارماي, شۇعىل شارالار قابىلداۋعا شاقىرامىن", - دەدٸ مەجٸلٸسكە اتىراۋ وبلىسىنان سايلانعان دەپۋتات.
