قورىتىندى اتتەستاتتاۋ ەمتيحاندارىن جەنە سوڭعى قوڭىراۋ سالتاناتتى جيىنىن ٶتكٸزبەۋ كەرەك. بۇل تۋرالى مەجٸلٸستٸڭ جالپى وتىرىسىندا دەپۋتات جۇلدىز سٷلەيمەنوۆا مەلٸم ەتتٸ, دەپ حابارلايدى "ۇلت اقپارات".
«ەلٸمٸزدە 28 مامىردان باستاپ 9, 11 سىنىپ وقۋشىلارى ٷشٸن قورىتىندى اتتەستاتتاۋ ەمتيحاندارى باستالادى. بيىل 9-سىنىپتا 264 مىڭنان استام وقۋشى 3 ەمتيحان تاپسىرسا, ال 11-سىنىپتا 154 816 وقۋشى 4 ەمتيحان تاپسىرادى», - دەدٸ دەپۋتات پرەمەر-مينيستردٸڭ ورىنباسارى ەرالى توعجانوۆتىڭ اتىنا جولداعان ساۋالىندا.
ونىڭ پايىمىنشا, ەمتيحان تاپسىرۋ جابىق عيماراتتاردا ٶتكٸزٸلۋٸنە بايلانىستى, وقۋشىلاردىڭ, پەداگوگتار مەن تەحنيكالىق پەرسونالدىڭ كورونوۆيرۋس جۇقتىرۋ ىقتيمالدىعى جوعارى.
«جابىق كەڭٸستٸكتەردە ۇزاق ەمتيحاندار ٶتكٸزۋ قانشالىقتى قيسىندى بولماق? بٷگٸننٸڭ ٶزٸندە, وقۋشىلار اراسىندا كورونوۆيرۋس فاكتٸلەردٸڭ ورىن الۋىنا بايلانىستى, قورىتىندى اتتەستاتتاۋ ەمتيحاندارىن جەنە سوڭعى قوڭىراۋ سالتاناتتى جيىنىن ٶتكٸزبەۋ كەرەك دەپ سانايمىز. بۇل اتا-انالار تاراپىنان ٷلكەن الاڭداتۋشىلىقتى تۋدىرۋدا. بۇدان ٶزگە, وقۋشىلاردىڭ جەنە مۇعالٸمدەردٸڭ دەنساۋلىعى باستى نازاردا بولۋى قاجەت», - دەدٸ جۇلدىز سٷلەيمەنوۆا.
وسى ورايدا, Nur Otan پارتيياسى فراكتسيياسىنىڭ دەپۋتاتتارى كەلەسٸ ۇسىنىستاردى ەنگٸزدٸ:
بٸرٸنشٸدەن, وقۋشىلاردىڭ, مۇعالٸمدەر مەن اتا-انالار قوعامداستىعىنىڭ دەنساۋلىعىن ساقتاۋ, COVID ۆيرۋسىنىڭ الدىن الۋ ماقساتىندا بٸلٸم جەنە عىلىم مينيسترلٸگٸنە 9, 11 سىنىپ وقۋشىلارى ٷشٸن مەملەكەتتٸك قورىتىندى اتتەستاتتاۋ ەمتيحاندارىن ٶتكٸزبەۋ تۋرالى شەشٸم قابىلداۋ ۇسىنىلدى.
«ٸندەتتٸڭ الدىن الۋدا بۇل ماڭىزدى. جالپى, مۇنداي تەجٸريبە قولدانىستا بار. بىلتىر كورونوۆيرۋس پاندەميياسىنا بايلانىستى قر بٸلٸم جەنە عىلىم مينيسترٸنٸڭ 2020 جىلعى 3 سەۋٸردەگٸ 129 بۇيرىعىنا سەيكەس 9, 11 سىنىپتارعا قورىتىندى اتتەستاتتاۋ ەمتيحاندارى بولمادى. سەيكەسٸنشە, قورىتىندى باعالار وقۋ جىلىنىڭ توقساندىق باعالارى نەگٸزٸندە قويىلدى», - دەدٸ دەپۋتات.
ەكٸنشٸدەن, 9, 11 سىنىپتاردا قورىتىندى اتتەستاتتاۋ ٶتكٸزۋ پاندەمييا جەنە قاشىقتان وقىتۋ جاعدايىنا يكەمدٸ ەتۋگە قاتىستى تيٸستٸ زاڭنامالىق نورماتيۆتٸك اكتٸلەرگە ٶزگەرٸستەر ەنگٸزۋ جەنە رەتتەۋ ۇسىنىلدى.
«ٷشٸنشٸدەن, 6 مامىردا ۇبت باستالعانى بارشامىزعا بەلگٸلٸ. وسى ورايدا, جەرگٸلٸكتٸ اتقارۋشى بيلٸك ورگاندارى باس سانيتارلىق دەرٸگەرلەرمەن بٸرلەسٸپ, ۇبت تاپسىرۋ پۋنكتەرٸندە سانيتارلىق-ەپيدەميولوگييالىق تالاپتاردىڭ ساقتالۋىنا قاتىستى مونيتورينگ توپتارى جۇمىسىنىڭ تيٸمدٸلٸگٸن ارتتىرۋدى ٶز جاۋاپكەرشٸلٸگٸنە الۋى قاجەت دەپ سانايمىز», - دەدٸ ول.
