بيىل اتموسفەرالىق اۋا ساپاسىن باقىلاۋ ٷشٸن 30 ىقشام اۆتوماتتى ستانسا ٸسكە قوسىلادى. بۇل تۋرالى ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ كەڭەيتٸلگەن القا مەجٸلٸسٸندە وسى ۆەدومستۆونىڭ ۆيتسە-مينيسترٸ احمەتجان پٸرٸمقۇلوۆ مەلٸم ەتتٸ, دەپ حابارلايدى "ۇلت اقپارات".
«ٶزدەرٸڭٸزگە بەلگٸلٸ, ەكولوگييالىق پروبلەمالاردى جٷيەلٸ شەشۋ ٷشٸن بيىلدىڭ باسىندا مەملەكەت باسشىسى جاڭا رەداكتسيياداعى ەكولوگييا كودەكسٸنە قول قويدى. بۇل مينيسترلٸكتٸڭ سوڭعى ەكٸ جىلدا اتقارعان جۇمىسىنىڭ نەتيجەسٸ. ەلدٸ تولعاندىراتىن مەسەلەلەردٸڭ بٸرٸ – اتموسفەرالىق اۋانىڭ ساپاسى. اتموسفەرالىق اۋانى تالداۋ 2020 جىلى 45 ەلدٸ مەكەندە, 140 باقىلاۋ بەكەتٸندە جٷرگٸزٸلدٸ. بيىل اتموسفەرالىق اۋا ساپاسىن باقىلاۋ ٷشٸن 30 ىقشام اۆتوماتتى ستانسانى الۋ جوسپاردا بار. بۇل ەل اۋماعىن 100 پايىز قامتۋعا جەنە حالىقتى شىنايى اقپاراتپەن قامتاماسىز ەتۋگە مٷمكٸندٸك بەرەدٸ», - دەدٸ ا. پٸرٸمقۇلوۆ.
ونىڭ ايتۋىنشا, جەرٷستٸ سۋلارىنىڭ جاي-كٷيٸنە مونيتورينگ 143 سۋ نىسانىندا, سونىڭ اراسىندا 93 ٶزەندە, 31 كٶلدە, 15 سۋ قويماسى, 3 ارنادا جەنە بٸر تەڭٸزدە جٷرگٸزٸلدٸ. سىردارييا, ەگٸنسۋ, قاتتا-بٶگەن ٶزەندەرٸنٸڭ سۋ ساپاسىنىڭ ناشارلاۋى بايقالدى.
