«اتامەكەن» ۇكپ تٶراعاسىنىڭ مٸندەتٸن اتقارۋشى رايىمبەك باتالوۆ ەلدەگٸ ديزەل تاپشىلىعىن شەشۋ جولىن ۇسىندى, دەپ حابارلايدى قازاقپارات.
«قازٸرگٸ تاڭدا شارۋالار ديزەلدٸڭ قىمباتتاۋىنا الاڭداۋلى. تەك ولار ەمەس, جالپى حالىق پەن بيزنەس تە وسى وتىن تٷرٸنە تەۋەلدٸ ەكەنٸ بەلگٸلٸ. بۇل مەسەلەنٸ جٷيەلٸ ەرٸ كەزەڭ-كەزەڭٸمەن شەشۋ كەرەك دەپ ويلايمىز. بٷگٸندە ەلٸمٸزدە تەك 3 ٸرٸ مۇناي ٶڭدەۋ زاۋىتى بار. سونداي-اق, بٸرنەشە شاعىن كەسٸپورىن جۇمىس ٸستەيدٸ. بٸز ٷنەمٸ ٸشكٸ نارىققا ساراپتاما جاساپ وتىرامىز. ونىڭ نەتيجەسٸنە بايلانىستى مەسەلەنٸ شەشۋ جولدارىن ۇسىنامىز. قازٸرگٸ تاڭداعى ديزەل تاپشىلىعىن شەشۋ ماقساتىندا قازاقستاندا مۇناي ٶڭدەۋمەن اينالىساتىن بٶلەك, ٸرٸ زاۋىت سالۋ كەرەك دەپ ەسەپتەيمٸز», - دەدٸ رايىمبەك باتالوۆ.
سونداي-اق, كەسٸپكەرلەر پالاتاسىنىڭ ٶكٸلدەرٸ شارۋالاردىڭ سۇرانىسى نەگٸزٸندە ەلدە اگروبانك اشۋ ۇسىنىسى قاراستىرىلىپ جاتقانىن جەتكٸزدٸ.
«شارۋالارعا ىڭعايلى بولۋى ٷشٸن اگروبانك قۇرۋدى ۇسىندىق. بۇل بٷگٸنگٸدەي بيۋروكراتييالىق جٷيە ارقىلى رەسٸمدەلەتٸن نەسيە بولمايدى. قازٸر كەسٸبٸ ٷشٸن نەسيە الاتىن بيزنەس يەسٸ 35 قۇجات دايىنداۋى قاجەت. مۇنداي جٷيە بٸزگە كەرەك ەمەس. ال, اگروبانك قاراجات قاجەت بولعان فەرمەرگە بارىنشا جەڭٸلدەتٸلگەن تەرتٸپتە قارجى ۇسىناتىن بولۋى تيٸس. بۇل باستامانى مەملەكەت باسشىنا دا ايتتىق», - دەپ ۇسىنىسىمەن بٶلٸستٸ «اتامەكەن» ۇكپ اگروٶنەركەسٸپ كەشەنٸ كوميتەتٸنٸڭ تٶراعاسى جيگۋلي دايراباەۆ.
ونىڭ ايتۋىنشا, بٷگٸندە مۇنداي بانك كٶرشٸلەس رەسەيدە بار. الداعى ۋاقىتتا بانك قۇرۋ شەشٸمٸ قابىلدانسا, وندا ونى جاساقتاۋدا اتالعان ەلدٸڭ تەجٸريبەسٸن نەگٸزگە الۋ جوسپارلانعان.
ايتا كەتسەك, كەشە ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى قاسىم-جومارت توقاەۆ شارۋا قوجالىقتارى مەن ٸرٸ ساۋدا جەلٸلەرٸنٸڭ بايلانىسىن نىعايتۋدى تاپسىردى.
