«اتامەكەن» ۇلتتىق كەسٸپكەرلەر پالاتاسى كەسٸپكەرلەرگە كەلگەن زالالدى ٶتەۋگە InfoKazakhstan.kz پلاتفورماسىندا ەلەكتروندى ٶتٸنٸمدەردٸ قابىلداي باستادى, دەپ حابارلايدى قازاقپارات.
«اتامەكەن» ۇلتتىق كەسٸپكەرلەر پالاتاسىنىڭ مەلٸمەتٸنشە, بۇل شارا ٷكٸمەت بەكٸتكەن 2022 جىلعى قاڭتارداعى جەكەلەگەن ٶڭٸرلەردەگٸ تەرتٸپسٸزدٸكتەر سالدارىنان شاعىن جەنە ورتا كەسٸپكەرلٸك سۋبەكتٸلەرٸنە كەلگەن مٷلٸكتٸك زالالدى ٶتەۋ مەحانيزمٸنە سەيكەس ٸسكە اسىرىلادى.
ەسكە سالساق, زالالدى ٶتەۋ تۋرالى ٶتٸنٸش ەتسق كٶمەگٸمەن infokazakhstan.kz سايتى ارقىلى بەرٸلەدٸ.
مەحانيزمگە سەيكەس زالالدى ٶتەۋ تۋرالى ٶتٸنٸشتەردٸ ٶڭٸرلٸك كوميسسييالار كٷنتٸزبەلٸك 5 كٷن ٸشٸندە قارايدى.
ٶتٸنٸش ماقۇلدانعان جاعدايدا ۇسىنىلعان مەلٸمەتتەر مەن قۇجاتتار نەگٸزٸندە ٶڭٸرلٸك كوميسسييا ايقىندايتىن مٶلشەردە قاراجات بٶلۋ تۋرالى شەشٸم شىعارىلادى.
قارجى قازاقستان رەسپۋبليكاسىنىڭ بيۋدجەتتٸك رەسٸمدەرٸنە سەيكەس مٷلٸك يەسٸنٸڭ ٶتٸنٸشٸندە كٶرسەتٸلگەن اعىمداعى نەمەسە جيناق شوتىنا تيٸستٸ شەشٸم قابىلدانعان كٷننەن باستاپ بٸر اي ٸشٸندە ٶتٸنٸش بەرۋشٸگە اۋدارىلادى دەپ بولجانادى.
«زارداپ شەككەن كەسٸپكەرلەردٸڭ نازارىنا! زالالدى ٶتەۋگە ٶتٸنٸش بەرەر الدىندا وسى سٸلتەمەگە كٸرٸپ, نۇسقاۋلىقپەن تانىسۋىڭىزدى سۇرايمىز, سونداي-اق قاجەتتٸ قۇجاتتاردىڭ تولىقتىعىنا كٶز جەتكٸزۋ كەرەك. قۇجاتتار توپتاماسى تولىق ۇسىنىلماعان جاعدايدا ٶڭٸرلٸك كوميسسييا مٷلٸكتٸك زالالدى ٶتەۋدەن باس تارتۋ تۋرالى شەشٸم شىعارادى. كەسٸپكەرلەرگە ىڭعايلى بولۋ ٷشٸن «اتامەكەن» ۇكپ زالالدى ٶتەۋ بويىنشا ٸس-قيمىل الگوريتمٸن دايىندادى. وندا زالالدى ٶتەۋگە ٶتٸنٸش بەرۋ قادامدارى سيپاتتالعان» دەلٸنگەن «اتامەكەن» ۇكپ تاراتقان حابارلامادا.
