«EcoAlmaty» جشس جەتەكشٸسٸ جاننا اسانوۆا الماتىداعى «اتاكەنت» ٸسكەرلٸك ورتالىعىندا 9 مىڭ اعاش تامىرىمەن جويىلادى دەگەن قاۋەسەتتٸ جوققا شىعاردى. بۇل تۋرالى ول Facebook پاراقشاسىندا جازدى, دەپ حابارلايدى قازاقپارات تٸلشٸسٸ.
«جاسىل ەكونوميكا باسقارماسىنان 9 مىڭ اعاشتى وتاۋ تۋرالى ٶتٸنٸمنٸڭ تٷسكەنٸ جايلى اقپارات جالعان. جاسىل جەلەك وتىرعىزۋ مەن ٶسٸرۋ ەرەجەسٸ بويىنشا الماتىدا تالدار تەك جاسىل ەكونوميكا باسقارماسىنىڭ رۇقساتىمەن عانا وتالادى. مەردٸگەر كومپانييا وتالعان اعاشتىڭ ورنىنا 5 ەسە كٶپ شىبىق وتىرعىزۋعا مٸندەتتەلەدٸ. اعاشتى كەسۋگە رۇقسات قۇجاتى E-gov ەلەكتروندى پورتالى جەنە حقو ارقىلى بەرٸلەدٸ. ال «اتاكەنت» ورتالىعى بويىنشا ەزٸرگە ەشقانداي ٶتٸنٸش تٷسكەن جوق», - دەدٸ جاننا اسانوۆا.
ونىڭ ايتۋىنشا, دەل قازٸر اتاكەنت اۋماعىندا اعاشتاردى سانيتارلىق قىسقارتۋ جٷرگٸزٸلٸپ جاتىر. ول ٷشٸن رۇقسات قۇجاتتارى تالاپ ەتٸلمەيدٸ.
كٶرمە كەشەنٸ پاركٸندەگٸ جاسىل جەلەكتٸ وتاۋ تۋرالى قاۋەسەت Facebook-تە تارالعان بولاتىن.
مۇنىڭ الدىندا «Atakent» جاڭا پرەزيدەنتٸ مادينا ماقىپوۆا كەشەن تەرريتوريياسىندا كونگرەسس-ورتالىق اشىلاتىنىن حابارلاعان ەدٸ.
«كونگرەسس-ورتالىق سالىناتىن اۋماق – ساياباق, اعاشتار. بٸزگە جاسىل ەكونوميكا باسقارماسىنان مەردٸگەر كومپانييا حات جازدى. ولاردىڭ جوسپارى بويىنشا كونگرەسس-ورتالىق پارك ايماعىندا ورنالاسۋى تيٸس ەكەن. 54 گا اۋماعىمىزدىڭ 30 گا سولارعا بەرۋٸمٸز كەرەك. قازٸر بۇل كەلٸسٸم تٸركەلٸپ جاتىر», - دەدٸ مادينا ماقىپوۆا.
«Atakent» باقىلاۋ كەڭەسٸنٸڭ مٷشەسٸ رۋسلان حەن ايتقانداي, كونگرەسس-ورتالىق 8 گا اۋماقتى السا, قالعان 22 گا جەردە كٶلٸكتەرگە ىڭعايلى بولۋ ٷشٸن جول ايرىعى جاسالادى.
