قر دسم قوعامدىق دەنساۋلىق ساقتاۋ ۇلتتىق ورتالىعى مەكتەپكە بالانى قالاي دايىنداۋ كەرەكتٸگٸ جٶنٸندە اتا-انالارعا كەڭەس بەردٸ, دەپ حابارلايدى "ۇلت اقپارات".
بالاڭىزدىڭ بارلىق قاجەتتٸ ەكپەلەر الۋىن تەكسەرٸڭٸز
پروفيلاكتيكالىق ەكپە ەگۋ كٷنتٸزبەسٸ بالالاردى جۇقپالى اۋرۋلاردان تيٸمدٸ قورعاۋ ٷشٸن ۆاكتسينا سالۋعا وڭتايلى ۋاقىتتى انىقتايدى. بالانىڭ ۋاقىتىلى ەكپە الۋى ماڭىزدى. اعزادا ۆاكتسيناعا قارسىلىق بولماعان جاعدايدا, دەرٸگەردٸڭ تەكسەرۋٸنەن كەيٸن جاسىنا سەيكەس بارلىق قاجەتتٸ ەكپەلەردٸ سالدىرتقان جٶن.
مەكتەپكە قاجەتتٸ كيٸم-كەشەكتەر ساتىپ الىڭىز
مەكتەپ كيٸمٸ مەن قۇرالدارىنا قويىلاتىن ناقتى تالاپتار بار ەكەندٸگٸن بٸلەسٸز بە? مىسالى, قاۋٸپسٸز ەرٸ ساپالى مەكتەپ پورتفەلٸنٸڭ سالماعى 1 كگ اسپاۋى قاجەت, ونىڭ ورتوپەدييالىق ارقالىعى مەن جارىق بٶلەتٸن ەلەمەنتتەرٸ بولۋى كەرەك. بٸر وقۋ كٷنٸنە ەسەپتەلگەن بارلىق كٸتاپتاردىڭ جالپى سالماعى قۇرال-سايماندارىمەن بٸرگە سٶمكەنٸڭ سالماعىن ەسكەرمەگەندە: I–II سىنىپتا — 1,5–2,0 كگ; III–IV سىنىپتا — 2,0–2,3 كگ; V–VI سىنىپتا — 2,3–3,0 كگ; VII–VIII سىنىپتا — 3,0–3,5 كگ; IX–XII سىنىپتا — 3,5–4,5 كگ اسپاۋى تيٸس. مەكتەپ فورماسى بالانىڭ قوزعالىسىن شەكتەمەيتٸنٸنە جەنە جىل مەزگٸلٸنە ساي كەلەتٸنٸنە نازار اۋدارىڭىز.
بالانىڭ جۇمىس ورنىنا كٶڭٸل بٶلٸڭٸز
بالانىڭ دەنساۋلىعى جاقسى بولۋ ٷشٸن, ول قولايلى جاعدايدا وقۋى كەرەك. بالانىڭ جۇمىس ورنى جارىق بولۋى تيٸس, شام سول جاق بٶلٸكتە, ەگەر بالاڭىز سولاقاي بولسا – وڭ جاقتا ورنالاسۋى كەرەك. ٷستەلدٸڭ بيٸكتٸگٸ بالانىڭ بويىنا سەيكەس بولۋى قاجەت, بويى 120 سانتيمەتر بولعان جاعدايدا – ٷستەلٸنٸڭ بيٸكتٸگٸ 52 سانتيمەتردەن اسپاۋى كەرەك, ال بويى 120 سانتيمەتردەن اسقان جاعدايدا – 60 سانتيمەتر بولۋى كەرەك.
بالانى گيگيەنا ساقتاۋعا ٷيرەتٸڭٸز
تاماق ٸشەر الدىندا جەنە دەرەتحانادان كەيٸن قولدى جۋۋ – بالانى كٶپتەگەن اۋرۋلاردان قورعايتىن ەڭ قاراپايىم ەرەجە.
بالانى كٷن تەرتٸبٸن ساقتاۋعا ٷيرەتٸڭٸز
كٷن تەرتٸبٸ — بۇل كەز-كەلگەن بالانىڭ سالاۋاتتى ٶمٸر سالتىنىڭ ماڭىزدى بٶلٸگٸ. مەكتەپ جاسىنداعى بالاعا دۇرىس ۇيقى رەجٸمٸ جەنە تۇراقتى ٷيلەستٸرٸلگەن تاماقتانۋ رەجٸمٸ قاجەت. وقۋشىلارعا ارنالعان تٷنگٸ ۇيقىنىڭ نورماسى: 1-4 سىنىپتا – 10-10,5 ساعات, 5-7 سىنىپتا – 9,5-10 ساعات, 8-9 سىنىپتا – 9-9,5 ساعات, 10-11 سىنىپتا – 8-9 ساعات. بٸرٸنشٸ سىنىپ وقۋشىلارى كٷندٸز 2 ساعاتتاي ۋاقىت ۇيىقتاپ الۋ قاجەت. مەكتەپ جاسىندا تٶرت رەت تاماقتانعان جٶن, ەر 4 ساعات سايىن تەۋلٸكتٸك راتسيوندى بٸردەي بٶلٸپ تاماقتانۋ قاجەت: تاڭعى اس – 25%, ەكٸنشٸ تاڭعى اس – 20%, تٷسكٸ اس – 35%, كەشكٸ اس – 20%.
پسيحولوگييالىق تۇرعىدان دايىن بولىڭىز
پسيحولوگييالىق جايلىلىق بالالار ٷشٸن دە, اتا-انالار ٷشٸن دە ماڭىزدى. 1 قىركٷيەكتٸ كٷيزەلٸسسٸز قارسى الىڭىز. تىنىشتىق ساقتاپ, مەكتەپكە ەزٸر بولىڭىز!
جالپى, بۇل قاراپايىم ەرەجەلەردەن بٶلەك, ەڭ باستىسىن ۇمىتپاڭىز – بالاڭىزدى كٶبٸرەك باۋىرىڭىزعا باسىپ, قۇشاقتاڭىز. بۇل ولارعا قورعانىش سەزٸمٸ مەن سەنٸمدٸلٸك بەرەدٸ. بالالار ولاردى جاقسى كٶرەتٸنٸن, تٷسٸنەتٸنٸن, قولدايتىنىن بٸلٸپ سەزەتٸن بولادى. بالاڭىزدى ولاردىڭ اكادەمييالىق جەڭٸستەرٸنە قاراماستان جاقسى كٶرٸڭٸز.
