اقمولا وبلىسىندا وقۋشىلاردان زاڭسىز اقشا جيناعان بٸلٸم قىزمەتكەرلەرٸ جاۋاپكەرشٸلٸككە تارتىلدى, دەپ حابارلايدى "ۇلت اقپارات".
قر سىبايلاس جەمقورلىققا قارسى ٸس-قيمى اگەنتتٸگٸنٸڭ اقمولا وبلىسى بويىنشا دەپارتامەنتٸنەن مەلٸم ەتكەندەي, بيىل 1424 Call-ورتالىعىنا ٶڭٸر تۇرعىندارىنان 20-دان استام قوڭىراۋ تٷسكەن. ولاردىڭ اراسىندا بٸلٸم بەرۋ مەكەمەلەرٸندە زاڭسىز اقشا جيناۋعا قاتىستى مەسەلەلەر دە بار.
مەسەلەن, اتباسار قالاسىنىڭ ەرتٷرلٸ مەكتەبٸندە بٸلٸم الاتىن وقۋشىلاردىڭ اتا-انالارىنان وقۋ ورىندارىنىڭ قاجەتتٸلٸگٸنە اقشا جينالعانىنا قاتىستى ارىز تٷسكەن. وسىعان سەيكەس, سىبايلاس جەمقورلىققا قارسى ٸس-قيمىل دەپارتامەنتٸ جانىنداعى ارنايى مونيتورينگٸلٸك توپ پەن وبلىستىق بٸلٸم باسقارماسى كٶشپەلٸ قىزمەتتٸك تەكسەرۋ جٷرگٸزگەن.
330-عا جۋىق اتا-انادان انونيمدٸ ساۋالناما الىنعان.
«تەكسەرۋ نەتيجەلەرٸ بويىنشا قالا مەكتەپتەرٸنٸڭ تٷرلٸ قاجەتتٸلٸكتەرٸ ٷشٸن زاڭسىز اقشا جيناۋ فاكتٸلەرٸ انىقتالدى», - دەدٸ دەپارتامەنتتەن.
سونداي-اق وسىعان ۇقساس فاكتٸلەر ستەپنوگورسك قالاسىنىڭ بٸلٸم بەرۋ سالاسىنىڭ قىزمەتكەرلەرٸنە قاتىستى قىزمەتتٸك تەكسەرۋ بارىسىندا دا انىقتالعان.
نەتيجەسٸندە, اتباسار اۋدانىنىڭ جەنە ستەپنوگورسك قالاسىنىڭ بٸلٸم بٶلٸمدەرٸنٸڭ باسشىلارى, مەكتەپ ديرەكتورلارى تەرتٸپتٸك جاۋاپكەرشٸلٸككە تارتىلدى.
«وسىنداي قۇقىق بۇزۋشىلىقتارعا جول بەرمەۋ ماقساتىندا وبلىستىڭ بٸلٸم بەرۋ مەكەمەلەرٸنٸڭ باسشىلىعىمەن تٷسٸندٸرۋ كەزدەسۋٸ ٶتكٸزٸلدٸ», - دەپ قوستى ۆەدومستۆودان.
