فوتو: tengritravel.kz
الماتى وبلىسىندا جوعالعان وتباسىن ٸزدەۋ جۇمىستارى سەتتٸ اياقتالدى, دەپ حابارلايدى "ۇلت اقپارات" جەرگٸلٸكتٸ تٶتەنشە جاعدايلار دەپارتامەنتٸنە سٸلتەمە جاساپ.
3 قاڭتار ساعات 20-30-دا رەسپۋبليكالىق جەدەل-قۇتقارۋ جاساعى توبىنىڭ جەنە قوناەۆ قالاسى جەدەل-قۇتقارۋ جاساعىنىڭ كٷشٸمەن بارتوعاي سۋ قويماسى جاعىنان فەسەنكوۆ اتىنداعى استروفيزيكا ينستيتۋتىنىڭ وبسەرۆاتوريياسىنا جەتپەي 40-قا جۋىق اۆتوماشينا تابىلعان. ادامداردىڭ سانى انىقتالىپ جاتىر, الدىن الا مەلٸمەت بويىنشا زارداپ شەككەندەر جوق.
جوعالىپ كەتكەن 7 ادامنان تۇراتىن وتباسى دا سول جەردە جٷرگەن. كٶبٸنٸڭ ماشيناسىندا جانارماي تاۋسىلىپ قالعان.
قازٸر قۇتقارۋشىلاردىڭ كٷشٸمەن اۆتوكٶلٸكتەرگە جانارماي قۇيۋ جەنە ادامداردى ماشينالارىمەن كولوننا ارقىلى ەۆاكۋاتسييالاۋ جۇمىستارى جٷرگٸزٸلٸپ جاتىر. رەسپۋبليكالىق جەدەل-قۇتقارۋ جاساعىنىڭ ەكٸنشٸ توبى تٷرگەن-باتان-وبسەرۆاتورييا جولىمەن بٸرٸنشٸ توپقا قارسى جٷرٸپ كەلەدٸ.
ەستەرٸڭٸزگە سالا كەتەيٸك, 3 قاڭتاردا ساعات 08:00-دە الماتى وبلىسى تٶتەنشە جاعدايلار دەپارتامەنتٸ كەزەكشٸ بٶلٸمٸنٸڭ پۋلتٸنە ەڭبەكشٸقازاق اۋدانىنداعى شەلەك اۋىلىنان 80 شاقىرىم جەردە, تاۋلى ايماقتاعى بورتوعاي سۋ قويماسىندا 7 ادامنان تۇراتىن وتباسى (تٶرت ەر ادام, ەكٸ ەيەل ادام جەنە بالا) جوعىلىپ كەتكەنٸ تۋرالى حابارلاما كەلٸپ تٷسكەن. ولار 2 قاڭتاردا ەكٸ كٶلٸكپەن الماتىدان اسى قىراتىنا قاراي شىعىپ, ٷيلەرٸنە ورالماعان. جوعالىپ كەتكەن ادامدار تجم-نىڭ بٸرنەشە مەرتە ايتقان ۇسىنىمدارىنا قاراماستان, جوسپارلانعان تۋريستٸك مارشرۋتى تۋرالى وبلىستىق تجد-نە ايتپاعان.
جوعالعان ادامداردى ٸزدەۋ جۇمىستارىن تٶتەنشە جاعدايلار دەپارتامەنتٸ, رەسپۋبليكالىق جەدەل-قۇتقارۋ جاساعى ٶتٸمدٸلٸگٸ جوعارى تەحنيكامەن, سونداي-اق جەرگٸلٸكتٸ اتقارۋشى ورگاندار, اۋداندىق ٸشكٸ ٸستەر بٶلٸمٸ مەن ۆولونتەرلەر جٷرگٸزدٸ, سونىمەن قاتار درون جۇمىلدىرىلدى.
ودان بٶلەك, ساعات 15-00-دە ەۋە كەمەسٸن تارتۋ جوسپارلانعان, الايدا اۋا-رايىنىڭ قولايسىزدىعىنا بايلانىستى ەۋە كەمەسٸن تارتۋ مٷمكٸندٸگٸ بولماعان.
جوعالعان ادامدار ٸزدەۋ توبىنا قاراي باياۋ جٷرٸپ, سپۋتنيكتٸك بايلانىس باعىتىن ٷيلەستٸرەدٸ. ساعات 20-30-دا ەكٸ توپ كەزدەسكەن. ادامداردىڭ ٶمٸرٸ مەن دەنساۋلىعىنا قاۋٸپ جوق.
