قازاقستان استاناسىنىڭ الاتاۋدان ارقاعا كٶشٸرۋ ٸسٸنە بەلسەندٸ اتسالىسقان مەملەكەتتٸك قىزمەتكەرلەردٸڭ بٸرٸ - ميربولات جاقىپوۆ. قر پرەزيدەنتٸ ەكٸمشٸلٸگٸنٸڭ جالپى بٶلٸمٸن 1996-2018 جىلدار ارالىعىندا باسقارعان ول توقسانىنشى جىلداردىڭ ٸشٸندەگٸ ەستەلٸكتەرٸمەن بٶلٸستٸ.
ميربولات جاقىپوۆ قازٸر مەملەكەتتٸك بانك مەكەمەلەرٸ جەنە قوعامدىق قىزمەت كٶرسەتۋ قىزمەتكەرلەرٸنٸڭ ساپالىق كەسٸپوداعىنىڭ تٶراعاسى. «Antikor LIVE» جوباسىندا قازٸرگٸ جاس بۋىن بٸلە بەرمەيتٸن قىزىقتى ەڭگٸمەلەردٸ ايتىپ بەردٸ.
«بۇرىن استانا كٷنٸن 10 ماۋسىمدا تويلايتىن ەدٸك. ەلوردامىزدىڭ بٸرٸنشٸ جىلدىعىن دەل سول كٷنٸ اتاپ ٶتكەنٸمٸز ەسٸمدە. كٷن سالقىن بولدى, جاڭبىر جاۋىپ تۇردى. الماتىدان كەلگەن بٸز ەبدەن توڭىپ قالعانبىز. ارقاداعى اۋا-رايىنا سول تۇستا بەيٸمدەلە باستادىق. جالپى استانا كٷنٸنٸڭ 6 شٸلدەگە اۋىسۋىنىڭ بٸرنەشە سەبەبٸ بار. جوعارعى كەڭەس ەڭ العاشقى رەسمي شەشٸمدٸ 1994 جىلى 6 شٸلدەدە قابىلداعان بولاتىن. تاريحتان بٸلەتٸندەرٸڭٸزدەي, بۇل شەشٸم ٶتە قيىن ٶتتٸ. ەبٸش كەكٸلباەۆ اعامىزدىڭ ەستەلٸگٸنەن وقىپ كٶرسەڭٸز كٶزٸڭٸز جەتەدٸ. 6 شٸلدە ەلباسىنىڭ تۋعان كٷنٸ بولعاننان كەيٸن دەپۋتاتتاردىڭ كٶبٸ «سىيلىق جاسايىق» دەپ داۋىس بەرٸپ, شەشٸم قابىلدانعان», - دەپ ەسكە الادى ٶتكەن ۋاقىتتى ميربولات جاقىپوۆ.
جالپى سول كەزدە مەملەكەتتٸك اپپاراتتىڭ الماتىدان نۇر-سۇلتانعا كٶشۋٸ «ٶتە كٶپ ەرٸ قىزىقتى ەڭگٸمە» دەيدٸ ول.
«كەزٸندە وسى ٷلكەن شارۋاعا ارالاستىم. جۇمىستارعا جاۋاپتى دا بولدىم. ەلدٸڭ استاناسىن الماتىدان كٶشٸرۋ ٷشٸن ٷلكەن مەملەكەتتٸك كوميسسييا قۇرىلدى. تەجٸريبەلٸ باسشىلار بۇل اۋقىمدى شارۋانىڭ باسى-قاسىندا جٷردٸ. وسىنىڭ ارقاسىندا ٷش جىلدىڭ ٸشٸندە ٷلكەن دايىندىق جۇمىستارى جٷرگٸزٸلٸپ, كٶشٸپ كەلدٸك. بٸراق كٶشكەنگە دەيٸن بٸرقاتار مەسەلەنٸ رەتتەۋ كەرەك بولدى. ول كەزدە اقمولاعا استانانى كٶشٸرۋ ٸسٸنە بٸرتالاي جۇرت قارسى ەدٸ. 1994 جىلى ەل ەلٸ داعدارىستان شىقپاعان كەزەڭ. ينفلياتسييا 2265 پايىزعا كەتتٸ. ايلىعىمىز ورتاشا ەسەپپەن 24 دوللار بولاتىن. حالقىمىزدىڭ 35 پايىزى ول كەزدە كەدەي ٶمٸر سٷردٸ. قيىن كەزەڭ. بٸراق سوعان قاراماستان ەلباسى جٸگەرلٸ شەشٸم قابىلدادى», - دەدٸ ول.
ميربولات جاقىپوۆ استانانى اقمولاعا كٶشٸرۋ باستاماسىنا جۇرتشىلىق قارسى بولماعانىمەن, مەملەكەتتٸك اپپاراتتىڭ ٸشٸندە بۇل شەشٸمگە كٶڭٸلٸ تولماعاندار بولعانىن ايتادى.
«پرەمەر-مينيستردٸڭ ٶزٸ قارسى بولدى. ول تۇستا ٷكٸمەت باسشىسى ەكەجان قاجىگەلدين مىرزا ەدٸ. بٸر مىسال كەلتٸرە كەتەيٸن: پرەزيدەنت بٸر جارلىققا قول قويار الدىندا قولبەلگٸلەر جينايمىز. سول ۆيزالاردىڭ بٸرٸن پرەزيدەنت ماعان «ٷكٸمەت باسشىسىنا ٶزٸڭ كٸرٸپ, ۆيزاسىن الىپ شىق» دەپ تاپسىردى. ول جارلىق استانانى كٶشٸرۋ تۋرالى شارۋالاردىڭ بٸر بٶلٸگٸ ەدٸ. ٷكٸمەت باسشىسى «قويمايمىن» دەدٸ. «سٸزدٸڭ ۆيزاڭىز بولماي كەتپەيمٸن» دەپ وتىرىپ الدىم. «قالاي سوندا? قويمايمىن» دەپ وتىرىپ الدى. «جوق, سٸز قويعانشا وتىرامىن» دەدٸم. جارتى ساعات جٷردٸ, تۇردى, وتىردى, تەرەزەگە بارىپ قارادى. «ەلٸ وتىرسىڭ با?» دەدٸ. اقىرى ۇرىستى, بۇرقىلدادى, بٸراق قويىپ بەردٸ. سونداي جاعدايلار بولعان», - دەيدٸ ول.
ميربولات جاقىپوۆ ول تۇستا الاتاۋدان ارقاعا قونىس اۋداراتىن مەملەكەتتٸك قىزمەتكەرلەردٸڭ 25 پايىزىن ٸرٸكتەپ الۋ تۋرالى تاپسىرما بولعانىن ەسكە الادى. ەڭ تەجٸريبەلٸ مامانداردى ٸرٸكتەۋ مٸندەتٸ تۇردى.
«مەملەكەتتٸك قىزمەتكەرلەردٸ ٸرٸكتەپ الدىق. ەسكەرتتٸك. قالعاندارعا الماتىدا جۇمىس تاۋىپ بەرۋگە تىرىستىق. ەلبەتتە مۇنىڭ بەرٸ پسيحولوگييالىق تۇرعىدا وڭاي تيمەيتٸن جۇمىس بولدى. جاڭا استاناعا بارعىسى كەلمەگەندەر دە بار ەدٸ. بٸراق مامان رەتٸندە ولار بٸزگە كەرەك بولاتىن. تٸپتٸ كەيبٸر مەملەكەتتٸك قىزمەتشٸلەردٸڭ جۇبايلارىنا دەيٸن ٷگٸتتەپ, بالالارىڭىزدى ويلاڭىزدار دەپ سٶيلەستٸك. جاستار قالاسى دەدٸك», - دەدٸ ول.
الماتىدا ول تۇستا حالىق كٶپ بولىپ كەتكەن ەكەن. 2000 جىلدارعا جەتپەي حالىق سانى ميلليوننان اسىپ كەتكەن. كٶشەدەگٸ كەپتەلٸستەر سول كەزدٸڭ ٶزٸندە بار.
«الماتى ەلٸمٸزدٸڭ ەڭ شەتٸندە, بٸر بۇرىشىندا عانا تۇر. باسقا وبلىستارعا الىس. گەوساياسي جاعىنان دا استانانى ارقاعا كٶشٸرۋ تيٸمدٸ بولدى. استانانى قاي جەرگە اۋىستىرامىز دەگەن كەزدە نۇسقالار كٶپ بولدى. مامانداردان 17 ۇسىنىس كەلدٸ. ەلباسى كٶپ ويلاندى. 17 نۇسقا بارلىق پارامەتر بويىنشا تالداندى. اينالىپ كەلٸپ شەشٸم اقمولاعا توقتالدى», - دەيدٸ ول.
ميربولات جاقىپوۆ قازٸرگٸ نۇر-سۇلتاننىڭ اقمولا ٶڭٸرٸندە بوي كٶتەرۋٸنٸڭ تاريحىن جاستار بٸلمەۋٸ مٷمكٸن ەكەنٸن اتاپ ٶتتٸ.
«كەز كەلگەن ەلدە «قوسىمشا استانا» بولادى. مەسەلەن سوۆەت وداعىنىڭ قوسىمشا استاناسى – كۋيبىشەۆ, قازٸرگٸ سامار قالاسى. ال قازاقستاننىڭ قوسىمشا استاناسى – اقمولا بولدى. ونى كٶبٸ بٸلمەيدٸ. سەبەبٸ كەزٸندە قۇپييا بولدى. قازٸر ايتۋعا بولادى. جاڭادان 32 پارامەتر بويىنشا سارىارقانىڭ تٶرٸندە وسىلايشا استانامىز بوي كٶتەردٸ», - دەدٸ ول.
.jpeg)