نۇر-سۇلتان تۇرعىنى ارمان "گارانت 24"-كە قويعان كٶلٸگٸن قالاي قايتارىپ العانىن ايتىپ بەردٸ. ول كٶلٸگٸن حابارلامالار سايتىنان كٶرٸپ قالعان, - دەپ حابارلايدى Tengrinews.kz.
1 اقپاندا ەلوردا تۇرعىنى "گارانت-24"-كە قۇنى 3,5 ميلليون تەڭگە بولاتىن كٶلٸگٸن قويعان. لومبارد تۋرالى ول ەلەۋمەتتٸك جەلٸلەردەن بٸلگەن.
"قازاقستاندىق جۇلدىزدار ەلەۋمەتتٸك جەلٸلەردە "گارانت-24" لومباردىن جارنامالاي باستاعان سوڭ كٶلٸگٸمدٸ سوندا قويدىم. زارداپ شەككەندەردٸڭ 80 پايىزى وسى جارنامادان ەستٸگەن بولار دەپ ويلايمىن", - دەيدٸ ارمان.
لومبارد ەرەجەسٸ بويىنشا, كٶلٸگٸن قويعان ارمان 600 مىڭ تەڭگە الۋى تيٸس بولعان.
"كٶلٸگٸمنٸڭ نارىقتاعى باعاسى 3 ميلليون 400 مىڭ تەڭگە. لومبارد ونى 4 ميلليون تەڭگەگە باعالادى. تٶلەمنٸڭ مٶلشەرٸ - 600 مىڭ تەڭگە, ولار ونى ٷش ايدا بەرەمٸز دەدٸ. الايدا ۋەدە بەرگەن اقشانى مەن المادىم. كەلٸسٸمشارتتا لومباردتىڭ كٶلٸكتٸ ساتۋعا قۇقىعى بار ەكەنٸ كٶرسەتٸلدٸ. مەن تەۋەكەلگە باردىم, بارلىعىن نوتاريۋسپەن رەسٸمدەدٸك. بٸراق, شىنداپ كەلگەندە, كەلٸسٸمشارتتىڭ زاڭسىز ەكەنٸ انىقتالدى", - دەدٸ ارمان.
سودان اقپاننىڭ ورتاسىندا ارمان حابارلامالار سايتىندا ٶزٸنٸڭ كٶلٸگٸن كٶرٸپ قالادى. ونىڭ باعاسى 3,5 ميلليون تەڭگە دەپ كٶرسەتٸلگەن. وسىدان كەيٸن ول ساتۋشىلارعا حابارلاسىپ, كٶلٸكتٸ كٶرۋگە كەلٸسٸپ, پوليتسەيلەردٸ شاقىرعان.
"پوليتسەيلەرگە جاعدايدى تٷسٸندٸردٸم, دەلەلدەر بولۋى ٷشٸن بارلىعىن ۆيدەوعا تٷسٸردٸم. قاجەت قۇجاتتاردى, تەحنيكالىق پاسپورتتى كٶرسەتتٸم. ساتۋشىلار كٶلٸكتٸ باسقا بٸرەۋدەن (لومباردتان ەمەس) ارزانعا العانىن ايتىپ تٷسٸندٸردٸ. مەنٸڭ تٷسٸنگەنٸم, ولاردىڭ بۇل الاياقتىققا قاتىسى جوق. بۇل - مەنٸڭ بولجامىم", - دەيدٸ ارمان.
بٸرنەشە كٷننەن كەيٸن ارمان كٶلٸگٸن الىپ كەتتٸ.
