استانالىقتار كوروناۆيرۋسقا قارسى Pfizer ۆاكتسيناسىن سالدىرا باستادى, حابارلايدى قازاقپارات تٸلشٸسٸ.
«مەنٸڭ جاسىم 17-دە, ل. گۋميلەۆ اتىنداعى ەۋرازييا ۋنيۆەرسيتەتٸنٸڭ 1-كۋرس ستۋدەنتٸمٸن. ۆاكتسينا العان سەبەبٸم - الدىمەن ٶزٸمنٸڭ قاۋٸپسٸزدٸگٸمدٸ ويلادىم, ەكٸنشٸدەن قوعام قاۋٸپسٸزدٸگٸ ٷشٸن. ەكپە الماس بۇرىن وعان قاتىستى اقپاراتتارمەن تانىستىم, ونىڭ ٸشٸندە Pfizer تۋرالى دا وقىپ, بٸلدٸم. قازٸر ٶزٸمدٸ جاقسى سەزٸنٸپ تۇرمىن, ەزٸرگە ەشقانداي كەرٸ ەسەر بايقالمايدى», - دەدٸ تٶرەجان تۇرسىن.
استانالىق جاسٶپٸرٸم Pfizer ەكپەسٸن №8 قالالىق ەمحانادا سالدىردى.
«اتا-انام ۆاكتسينا الۋىما قارسى بولعان جوق, كەرٸسٸنشە العانىمدى قالادى. ٶزٸم كوروناۆيرۋسپەن اۋىرعام, بٸراق جەڭٸل تٷردە ٶتتٸ. جالپى ۆاكتسيناعا قاتىستى تٷرلٸ الىپ-قاشپا ەڭگٸمەلەر بار, وسى ورايدا ايتارىم, باستىسى اتا-انامنىڭ رۇقساتىن الدىم, قالعانى ماڭىزدى ەمەس. وقۋ ورنىندا دا ەشقانداي ۆاكتسينا الۋعا ٷگٸتتەۋ شاراسى ٶتكٸزٸلگەن جوق. تەك بٸزدەن كەمەلەتكە تولعان-تولماعانىمىز تۋرالى سۇرادى», - دەيدٸ ول.
ودان بٶلەك, ستۋدەنت ۆاكتسينا الماس بۇرىن دەرٸگەرلەر وعان قاتىستى اقپاراتتى ۇسىنعانىن ايتتى.
«بالاما ۆاكتسينا سالدىرماس بۇرىن مەن-جايدى ايتىپ تٷسٸندٸردٸم. سودان كەيٸن ۆاكتسينا الۋ تۋرالى شەشٸمگە كەلدٸك. ەشقانداي كٷدٸك, قورقىنىش بولعان جوق. بٸز بۇعان دەيٸن وتباسىمىزبەن كوروناۆيرۋسپەن اۋىرىپ شىققانبىز. كٷيەۋٸمدە جەڭٸل ٶتتٸ, سەبەبٸ ول ەكپە العان. بالاما كەلسەم, ول ستۋدەنت, كٶپشٸلٸك جەردە جٷرەدٸ, ونىڭ ٷستٸنە اۆتوبۋسقا مٸنەدٸ. قوعامدىق كٶلٸكتە كٶپ ادام ماسكا تاقپاي جٷرەدٸ. سوندىقتان دا دەنساۋلىق قاۋٸپسٸزدٸگٸ ٷشٸن بالاما ۆاكتسينا الۋعا كەڭەس بەردٸم», - دەيدٸ جاسٶسپٸرٸمنٸڭ اناسى باقتىگٷل وماربەكوۆا.
ايتا كەتەيٸك, ەلورداعا Pfizer ەكپەسٸنٸڭ العاشقى پارتيياسى 12 قاراشا كٷنٸ جەتكٸزٸلدٸ.
