فوتو: nemolchi.uz
قالا تۇرعىنى جەبٸرلەنۋشٸنٸڭ ونىمەن قارىم-قاتىناس ورناتقىسى كەلمەيتٸنٸن بٸلە تۇرا, التى اي بويى ونى جٷيەلٸ تٷردە اڭدىعان, دەپ حابارلايدى استانا قالاسى پروكۋراتۋراسىنىڭ باسپاسٶز قىزمەتٸ.
بايلانىستى توقتاتۋ تۋرالى تالاپتاردى, مەسسەندجەرلەردەگٸ بۇعاتتاۋدى, سونداي-اق قولدانىستاعى قورعاۋ نۇسقاماسىن ەلەمەي, ەر ادام جەبٸرلەنۋشٸنٸڭ تۇرعىلىقتى جەنە جۇمىس ورنى بويىنشا ونى قۋدالاۋ ارقىلى, ونىڭ كەلٸسٸمٸنسٸز بەينەجازباعا تٷسٸرٸپ, پسيحولوگييالىق قىسىم كٶرسەتكەن.
سوتتا مەملەكەتتٸك ايىپتاۋشى جەبٸرلەنۋشٸنٸڭ جەكە باس بوستاندىعىنا, قاۋٸپسٸزدٸگٸنە جەنە جەكە ٶمٸرٸنٸڭ قول سۇعىلماۋشىلىعىنا قۇقىقتارىنىڭ بۇزىلۋىنان ەكەپ سوققان سوتتالۋشىنىڭ كٸنەسٸن دەلەلدەيتٸن تولىق ەرٸ جان-جاقتى ايعاقتار ۇسىندى.
— سوت ٷكٸمٸمەن ول ستالكينگ جاساعانى ٷشٸن كٸنەلٸ دەپ تانىلىپ, 100 ساعات قوعامدىق جۇمىستارعا تارتىلىپ, مورالدىق زيياندى ٶتەۋگە مٸندەتتەلدٸ. اتالعان تۇلعانىڭ بۇعان دەيٸن بوستاندىعىن شەكتەۋ تٷرٸندەگٸ جازانى ٶتەپ, ونىڭ شارتتارىن بۇزعانىن ەسكەرە وتىرىپ, ٶتەلمەگەن جازا بٶلٸگٸ باس بوستاندىعىنان ايىرۋ جازاسىنا اۋىستىرىلدى. سوت ٷكٸمٸ زاڭدى كٷشٸنە ەنگەن جوق, — دەلٸنگەن حابارلامادا.
ايتا كەتەيٸك, زاڭسىز قۋدالاۋ ٷشٸن 200 ايلىق ەسەپتٸك كٶرسەتكٸشكە دەيٸن ايىپپۇل سالۋ, سول مٶلشەردە تٷزەۋ جۇمىستارى, 200 ساعاتقا دەيٸن قوعامدىق جۇمىستارعا تارتۋ نەمەسە 50 تەۋلٸككە دەيٸن قاماۋعا الۋ تٷرٸندەگٸ قىلمىستىق جاۋاپتىلىق كٶزدەلگەن.
