ەلوردا كٷنٸ قارساڭىندا استانا تۋريزم سالاسىنداعى جوعارى كٶرسەتكٸشتەرٸن جارييالادى. 2025 جىلدىڭ قورىتىندىسى بويىنشا باس قالاعا 1,6 ميلليون تۋريست كەلسە, تۋريستٸك سالاعا تارتىلعان ينۆەستيتسييا كٶلەمٸ 438,3 ملرد تەڭگەگە جەتتٸ, دەپ حابارلايدى ult.kz.
ٶتكەن جىلى استاناعا كەلگەن تۋريستەردٸڭ 380 مىڭنان استامى شەتەلدٸك قوناقتار بولدى. ال 2026 جىلدىڭ العاشقى توقسانىندا ەلورداعا 352,2 مىڭ ادام ساياحاتتاپ كەلگەن. بۇل ٶتكەن جىلدىڭ وسى كەزەڭٸمەن سالىستىرعاندا 12 پايىزعا ارتىق. ونىڭ ٸشٸندە 67,9 مىڭ تۋريست – شەتەل ازاماتتارى.
استاناعا ەڭ كٶپ كەلەتٸن تۋريستەر رەسەي, قىتاي, تٷركييا, گەرمانييا جەنە اقش ەلدەرٸنەن. سونىمەن قاتار ٶزبەكستان, بٸرٸككەن اراب ەمٸرلٸكتەرٸ جەنە ٶزگە مەملەكەتتەردەن كەلۋشٸلەر سانى دا ارتىپ كەلەدٸ.
تۋريزم سالاسىنا قۇيىلعان ينۆەستيتسييا كٶلەمٸ دە تۇراقتى ٶسٸم كٶرسەتٸپ وتىر. 2025 جىلدىڭ قورىتىندىسىندا سالاعا تارتىلعان ينۆەستيتسييا 438,3 ملرد تەڭگەگە جەتٸپ, بۇل كٶرسەتكٸش بويىنشا استانا ٶڭٸرلەر اراسىندا كٶش باستادى. بيىلعى قاڭتار-مامىر ايلارىندا تۋريستٸك جوبالارعا 250 ملرد تەڭگە ينۆەستيتسييا سالىنىپ, ٶتكەن جىلدىڭ سەيكەس كەزەڭٸمەن سالىستىرعاندا ەكٸ ەسەگە ارتقان.
قازٸر ەلوردادا جالپى قۇنى 265,7 ملرد تەڭگەنٸ قۇرايتىن 33 ينۆەستيتسييالىق جوبا ٸسكە اسىرىلۋدا. ولاردىڭ قاتارىندا حالىقارالىق قوناقٷي جەلٸلەرٸنٸڭ قۇرىلىسى, ەكوتۋريزمدٸ دامىتۋ جەنە زاماناۋي تۋريستٸك ينفراقۇرىلىمدى قالىپتاستىرۋ باستامالارى بار.
وقيعالى تۋريزم دە استانانىڭ تارتىمدىلىعىن ارتتىرىپ كەلەدٸ. 2026 جىلدىڭ العاشقى ٷش ايىندا قالادا 300-دەن استام ٸس-شارا ۇيىمداستىرىلسا, ونىڭ 11-ٸ حالىقارالىق دەڭگەيدە ٶتتٸ. الداعى ۋاقىتتا BaiQymyz ەتنو-گاسترونومييالىق فەستيۆالٸ, Comic Con Astana, «بولاشاق ويىندارى» حالىقارالىق تۋرنيرٸ جەنە ەنريكە يگلەسياستىڭ كونتسەرتٸ ٶتكٸزٸلٸپ, مىڭداعان تۋريستٸ تارتۋ جوسپارلانىپ وتىر.
سونىمەن قاتار استانا حالىقارالىق تۋريستٸك كەڭٸستٸكتەگٸ پوزيتسيياسىن كٷشەيتٸپ كەلەدٸ. بيىل قالا گەرمانييا, قىتاي جەنە وڭتٷستٸك كورەيادا ٶتكەن ٸرٸ تۋريستٸك كٶرمەلەرگە قاتىسىپ, رەسەيدە روۋد-شوۋ ۇيىمداستىردى. سونداي-اق ٷش حالىقارالىق تۋريستٸك ۇيىمنىڭ قۇرامىنا ەندٸ.
مامانداردىڭ ايتۋىنشا, قالادا تۋريستٸك ينفراقۇرىلىم كەزەڭ-كەزەڭٸمەن جاڭارتىلىپ, جاڭا مۋزەيلەر اشىلىپ جاتىر. بۇعان قوسا تسيفرلىق سەرۆيستەر جەتٸلدٸرٸلٸپ, قالالىق ناۆيگاتسييا مەن تۋريستەرگە ارنالعان قىزمەتتەردٸڭ ساپاسى جاقسارۋدا.
