ەلوردادا «ەۋروپالىق» تۇرعىن ٷي كەشەنٸنەن شىققان ٶرت سٶندٸرٸلدٸ, دەپ حابارلايدى قازاقپارات.
بۇعان دەيٸن 18 قاباتتى «ەۋروپالىق» تۇرعىن ٷي كەشەنٸنٸڭ №1 كٸرەبەرٸسٸندەگٸ 10 مەن 14 قابات ارالىعىندا ەلەكتر كابەلدەرٸ تارتىلعان شاحتانىڭ جانىپ جاتقانىن جازعان ەدٸك. ٶرت بٸر ساعاتقا جۋىق ۋاقىتتان كەيٸن سٶندٸرٸلدٸ.
«10 مەن 18 قابات ارالىعىندا ەلەكتر كابەلدەرٸ تارتىلعان شاحتانىڭ 25 مەترٸ جانعان. ساعات 16.14-تە ٶرتتٸڭ بەتٸ قايتارىلىپ, ساعات 16.17-دە تولىعىمەن سٶندٸرٸلدٸ. ەلوردانىڭ ٶرت سٶندٸرۋ قىزمەتٸنٸڭ ماماندارى 6 ادامدى, ونىڭ ٸشٸندە 5 بالانى قاۋٸپسٸز جەرگە شىعاردى. ٶرتتٸڭ شىعۋ سەبەبٸ انىقتالىپ جاتىر», - دەدٸ نۇر-سۇلتان قالالىق تٶتەنشە جاعدايلار دەپارتامەنتٸنەن.
ايتا كەتەيٸك, ٶرتتٸ سٶندٸرۋگە نۇر-سۇلتان قالالىق تٶتەنشە جاعدايلار دەپارتامەنتٸنٸڭ جەكە قۇرامىنىڭ 22 مامانى مەن 6 تەحنيكاسى جۇمىلدىرىلعان.
