استانالىق دەرٸگەرلەر ەلورداداعى بەسٸنشٸ انا ٶلٸمٸنە قاتىستى تٷسٸنٸكتەمە بەردٸ, دەپ حابارلايدى قازاقپارات تٸلشٸسٸ.
1 قىركٷيەك كٷنٸ 20:22-دە №2 كٶپبەيٸندٸ قالالىق اۋرۋحانادا انا ٶلٸمٸ تٸركەلگەن بولاتىن. بۇل - جىل باسىنان بەرٸ استانادا قايتىس بولعان بەسٸنشٸ انا.
«قايتىس بولعان ەيەل قانت ديابەتٸمەن اۋىرعان. جٷكتٸلٸكتٸڭ العاشقى كەزەڭٸنەن-اق, №7 ەمحاناعا تٸركەلٸپ, قابىلداۋعا تۇراقتى بارعان. بٸراق ول ينسۋليندٸك تەراپييادان باس تارتقان جەنە دەرٸگەرلەر قانت دەڭگەيٸن تٷسٸرەتٸن تابلەتكالار جازىپ بەرگەن. ونىڭ ٷستٸنە, ەيەلدٸڭ بويى 165 سم بولا تۇرا, سالماعى 95 كەلٸدەن اسقان. الدىڭعى بالالارىن تابيعي جولمەن دٷنيەگە ەكەلگەندٸكتەن, دەرٸگەرلەر وعان كەزەكتٸ رەت ٶز كٷشٸمەن بوسانۋعا مٷمكٸندٸك بەرگەن», - دەدٸ №2 كٶپبەيٸندٸ قالالىق اۋرۋحانانىڭ باس دەرٸگەرٸ يۆان لي استانا ەكٸمدٸگٸندە ٶتكەن بريفينگتە.
سونىمەن بٸرگە, بريفينگتە قايتىس بولعان ەيەلگە قويىلعان الدىن-الا دياگنوز حابارلاندى.
«بۇل - اياقاستى بولعان ٶلٸم. الدىن الا بولجام بويىنشا, قايتىس بولعان ەيەلگە «قاعاناق سۋىنىڭ ەمبوليياسى» دياگنوزى قويىلدى. 2 قىركٷيەكتە پاتولوگييالىق سويۋ جٷرگٸزٸلگەندە, بۇل دياگنوز راستالدى. بٸراق, بۇل ەلٸ دە الدىن الا بولجام بولىپ قالا بەرەدٸ, اپتا سوڭىندا پاتالوگواناتومدار گيستولوگييالىق زەرتتەۋدەن كەيٸن ناقتى دياگنوزدى جارييالايدى», - دەدٸ استانا قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ەلييا رٷستەموۆا.
قازاقستاننىڭ شتاتتان تىس باس اكۋشەر-گينەكولوگى, پروفەسسور يۆان كوركاننىڭ ايتۋىنشا, قاعاناق سۋىنىڭ ەمبوليياسى - ٶتە سيرەك دەرت, 10-15 مىڭ جٷكتٸ ەيەلدٸڭ بٸرٸندە عانا كەزدەسەدٸ. بۇل جاعدايدا قاعاناق سۇيىقتىعىنىڭ ەيەلدٸڭ قان اعىسىنا تٷسۋٸنەن جٷكتٸلٸك نەمەسە بوسانۋ اسقىندايدى.
«ونى الدىن الا بولجاۋ ەلەمدە مٷمكٸن ەمەس. مەديتسينالىق كٶمەك كٶرسەتٸلگەنٸمەن, ەيەلدەردٸڭ 90% كٶز جۇمادى. بۇل - ەلەمدٸك ستاتيستيكا. دەرٸگەرلەر ەيەلدٸ قۇتقارۋ ٷشٸن بەرٸن جاسايدى, ەشقانداي دەرٸگەر پاتسيەنتتٸ جوعالتقىسى كەلمەيدٸ. دەرٸگەرلەر ٷشٸن دە, تۋىستارى ٷشٸن دە بۇل - ورنى تولمايتىن ورتاق قايعى», - دەدٸ بريفينگتە يۆان كوركان.
باس اكۋشەر-گينەكولوگ بۇل اۋرۋعا ساناۋلى مينۋتتاردىڭ جەتكٸلٸكتٸ ەكەنٸن ايتتى.
«بوسانۋ الدىندا قاعاناق سۋىندا نەرەستەنٸڭ تەرٸ بٶلٸكتەرٸ, زەرٸ مەن نەجٸسٸ بولادى. وسىنىڭ بارلىعى ەيەلدٸڭ قان اعىسىنا تٷسۋگە تىرىسادى. مۇندا ساناۋلى مينۋتتاردىڭ ٶزٸ ماڭىزدى. تٸپتٸ دەر كەزٸندە مەديتسينالىق كٶمەك كٶرسەتٸلسە دە, نەتيجەسٸز بولۋى مٷمكٸن. ەلەم بويىنشا بۇل دياگنوزدا ەيەلدەردٸڭ 10 پروتسەنتٸ قاعاناق سۋى از مٶلشەردە ەنگەندە عانا امان قالادى», - دەدٸ يۆان كوركان.
ەيەلدٸڭ جٷرەك قىزمەتٸ توقتاعان سەتتە كەسٸر تٸلٸگٸ ارقىلى بالانى الۋ تۋرالى شەشٸم قابىلدانعان. ەزٸرگە شاقالاقتىڭ جاعدايى اۋىر, بٸراق دەرٸگەرلەر سەبيدٸڭ وڭالىپ كەتۋ مٷمكٸندٸگٸ مول ەكەنٸن جەتكٸزدٸ.
