فوتو: akorda.kz
استانادا جەدەل جەردەم قىزمەتكەرٸنە شابۋىل جاساعان ەر ادامعا قاتىستى سوت ٷكٸمٸ شىقتى. ول مەديتسينا قىزمەتكەرٸنە كٷش قولدانعانى ٷشٸن كٸنەلٸ دەپ تانىلدى. بۇل – قىلمىستىق كودەكستٸڭ جاڭا بابى بويىنشا قارالعان العاشقى ٸستەردٸڭ بٸرٸ, دەپ حابارلايدى Ult.kz.
وقيعا 2026 جىلعى 13 ناۋرىزدا بولعان. جەدەل جەردەم بريگاداسى ساۋدا ورتالىعىنا ەكٸ ماس ەر ادامعا شاقىرتۋ بويىنشا بارعان. ولاردىڭ بٸرٸ ٶزٸن ناشار سەزٸنگەنٸن ايتىپ, مەديتسينالىق كٶمەك سۇراعان.
مەديتسينالىق كٶمەك كٶرسەتٸلگەننەن كەيٸن بريگادا كەتۋگە دايىندالىپ جاتقان كەزدە, ەر ادامداردىڭ بٸرٸ فەلدشەرگە قول كٶتەرگەن.
سوت ماتەريالدارىندا ونىڭ ەرەكەتٸ مەديتسينا قىزمەتكەرٸنە فيزيكالىق اۋىرسىنۋ كەلتٸرگەنٸمەن, اۋىر دەنە جاراقاتىنا ەكەلمەگەنٸ كٶرسەتٸلگەن. سونىمەن قاتار بۇل ەرەكەت مەديتسينالىق كٶمەكتٸڭ قاۋٸپسٸز كٶرسەتٸلۋٸنە كەدەرگٸ كەلتٸرٸپ, مەديتسينا قىزمەتكەرٸنٸڭ قۇقىقتارىن بۇزعان.
سوتتالۋشى كٸنەسٸن مويىنداپ, باس بوستاندىعىنان ايىرماۋدى سۇرادى. ال جەبٸرلەنۋشٸ قاتاڭ جازا تاعايىنداۋدى تالاپ ەتتٸ. پروكۋرور 1 جىل 6 اي باس بوستاندىعىنان ايىرۋ جازاسىن سۇراعان.
سوت ونىڭ بۇرىن سوتتالماعانىن, بٸراق قوعامدىق تەرتٸپتٸ بۇزعانى جەنە قوعامدىق ورىنداردا ٸشٸمدٸك ٸشكەنٸ ٷشٸن بٸرنەشە رەت ەكٸمشٸلٸك جاۋاپكەرشٸلٸككە تارتىلعانىن ەسكەردٸ.
جەڭٸلدەتەتٸن مەن-جاي رەتٸندە – شىن جٷرەكتەن ٶكٸنۋٸ, ال اۋىرلاتاتىن جاعداي رەتٸندە – قىلمىستىڭ ماس كٷيٸندە جاسالۋى تانىلدى.
سوت ونى قر قك-نٸڭ 380-3-بابى 3-بٶلٸگٸ بويىنشا كٸنەلٸ دەپ تانىپ, 1 جىل 6 ايعا باس بوستاندىعىنان ايىرۋ جازاسىن تاعايىندادى. سوتتالۋشى جازاسىن قاۋٸپسٸزدٸگٸ تٶمەن مەكەمەدە ٶتەيدٸ. ٷكٸم زاڭدى كٷشٸنە ەنگەن جوق.
