ەلوردادا گرەك-ريم كٷرەسٸنەن قازاقتان شىققان تۇڭعىش وليمپيادا چەمپيونى, ەڭبەك ەرٸ جاقسىلىق ٷشكەمپٸروۆتٸ ەسكە الۋعا ارنالعان حالىقارلىق تۋرنير اياقتالدى, دەپ حابارلايدى "ۇلت اقپارات".
بايراقتى بەسەكەگە قازاقستان, رەسەي, گرۋزييا, ۋكراينا, تەجٸكستان, قىرعىزستان جەنە ٶزبەكستان ەلدەرٸنەن 250-دەن اسا سپورتشى جينالدى. 2001-2003 جىلعى جاستار اراسىندا ٶتكەن تۋرنيردە بالۋاندار 55, 60, 63, 67, 72, 77, 82, 97, 130 كەلٸ سالماق دەرەجەلەرٸندە باق سىنادى.
ٷش كٷنگە سوزىلعان جارىس قورىتىندىسى بويىنشا جالپى كوماندالىق ەسەپتە 5 التىن, 3 كٷمٸس, 13 قولا جٷلدەمەن قازاقستان جاستار قۇراماسى بٸرٸنشٸ ورىنعا جايعاستى. ەكٸنشٸ ورىندى 3 التىن, 2 كٷمٸس, 5 قولا مەدالمەن گرۋزييا قۇراماسى يەلەنسە, ٷزدٸك ٷشتٸكتٸ 1 التىن, 3 كٷمٸس, 1 قولا جٷلدەمەن ٶزبەكستاندىق پالۋاندار قورىتىندىلادى.
شەت مەملەكەت ٶكٸلدەرٸ تۋرنيردٸڭ ۇيىمداستىرىلۋ دەڭگەيٸنە جوعارى باعا بەردٸ.
«بٸز بۇل تۋرنيرگە ٷشٸنشٸ جىل قاتارىنان قاتىسىپ كەلەمٸز. بىلتىر كارانتين سالدارىنان جارىسقا قاتىسا المادىق. وسى جولى ٶزٸمٸزدٸڭ مىقتى قۇرامانى الىپ كەلدٸك. سەبەبٸ بۇل تۋرنير ەۋروپا چەمپيوناتىنىڭ الدىنداعى دايىندىق تۋرنيرٸ. جارىس ٶتە جوعارى دەڭگەيدە ۇيىمداستىرىلعان. بارلىعى ويداعىداي ٶتتٸ. ۇيىمداستىرۋشىلارعا راحمەت!» - دەدٸ گرۋزييا جاستار قۇراماسىنىڭ باپكەرٸ گوگەليا توماز.
نۇر-سۇلتان قالاسى ەكٸمدٸگٸنٸڭ قولداۋىمەن ٶتكەن حالىقارالىق تۋرنير كارانتين تالاپتارىنا ساي جانكٷيەرسٸز ۇيىمداستىرىلدى. بەسەكە Qazsport ارناسىنان تٸكەلەي ەفيردە كٶرسەتٸلدٸ.
جارىس جەڭٸمپازدارى مەن جٷلدەگەرلەرٸ ديپلوم, مەدال جەنە اقشالاي سىيلىقتارمەن ماراپاتتالادى.
جارىس 7-9 مامىر ارالىعىندا ٶتتٸ.
