فوتو: 2gis.kz
استانادا «ترانستەلەكوم» پروۆايدەرٸنەن ينتەرنەتكە قاتىستى مەسەلەلەر ەلٸ دە جالعاسىپ جاتىر, دەپ حابارلايدى Ult.kz قازتاگ اگەنتتٸك تٸلشٸسٸنە سٸلتەمە جاساپ.
«ۇزاق ۋاقىتتان بەرٸ ينتەرنەت جوق – ەڭ قىزىعى, Telegram جۇمىس ٸستەيدٸ, ال قالعانىنىڭ بەرٸ, سونىڭ ٸشٸندە ۆەب-سەرۆيستەر, ۆەب-سەرفينگ جەنە تاعى باسقاسى – ٸستەمەيدٸ. وپەراتورعا قوڭىراۋ شالۋعا ەرەكەت جاساعاندا, اۆتوجاۋاپ بەرۋ جٷيەسٸ قوڭىراۋدى بٸردە بٸردەن ٷزەدٸ, بٸردە كەزەك ماعان جەتكەن كەزدە ٷزٸلەدٸ. مىسالى, مەن كەزەكتە 14-شٸ بولدىم, ۇزاق كٷتكەننەن كەيٸن كەزەك ماعان جەتكەن سەتتە, «ترانستەلەكوم» جاي عانا «تۇتقانى قويىپ» تاستادى. بۇل – تازا باسىنۋ دەپ ويلايمىن! سونىمەن قاتار, ولاردىڭ «191» نٶمٸرٸنە قوڭىراۋ شالساڭ, العاشقى حابارلاماسىندا-اق بايلانىس مەسەلەلەرٸنٸڭ بار ەكەنٸن مويىندايدى. وسى قاشانعا دەيٸن جالعاسا بەرەدٸ? ەر جولى بٸر جاعداي!» – دەدٸ استانانىڭ بٸر تۇرعىنى دٷيسەنبٸ كٷنٸ كازتاگ رەداكتسيياسىنا.
رەداكتسييا استانالىق تۇرعىننىڭ سٶزدەرٸنٸڭ شىنايىلىعىنا كٶز جەتكٸزدٸ.
ايتا كەتەيٸك, بۇعان دەيٸن دە «ترانستەلەكومنىڭ» استاناداعى ينتەرنەتكە قاتىستى مەسەلەلەرٸ بٸرنەشە كٷن قاتارىنان جالعاسقان ەدٸ. ول كەزدە كازتاگ پروۆايدەردٸڭ قازاقستاندىقتاردى جاڭىلىستىرۋى مٷمكٸن ەكەنٸن حابارلاعان. بٸراز ۋاقىتتان كەيٸن «ترانستەلەكوم» ٶز ابونەنتتەرٸندە ينتەرنەت بويىنشا قيىندىقتار بار ەكەنٸن راستادى.
ەسكە سالايىق, 2023 جىلدىڭ 31 مامىرىندا مەجٸلٸس دەپۋتاتى ەرمۋرات باپي نۇرسۇلتان نازارباەۆتىڭ قىزى داريعا نازارباەۆانىڭ جەنە ونىڭ كٷيەۋٸ قايرات شەرٸپباەۆتىڭ بالالارى تۋرالى ايتا كەلە, كلەپتوكراتتار ەلدەن $150 ملرد شىعارىپ جٸبەرگەنٸن مەلٸمدەگەن ەدٸ.
سونداي-اق ول داريعا نازارباەۆانىڭ ۇلى نۇرەلٸ ەليەۆ تۋرالى دا مەسەلە كٶتەردٸ.
«ستراتەگييالىق ماڭىزى بار «ترانستەلەكوم» كومپانيياسىنىڭ ٸس جٷزٸندە تەگٸن تٷردە ۇلتتىق كومپانييا – «قازاقستان تەمٸر جولى» قۇرامىنان نۇرسۇلتان نازارباەۆتىڭ نەمەرەسٸ نۇرەلٸ ەليەۆكە بەرٸلۋٸن قالاي باعالايسىز? قۇنى ت210 ملرد بولاتىن جەنە جىلدىق تابىسى ت80–90 ملرد بولاتىن ۇلتتىق مٷلٸك نەبەرٸ ت18,45 ملرد-قا ساتىلعان. مەنٸڭ سۇراعىمنىڭ مەنٸ مىنادا: «ترانستەلەكوم» نۇرەلٸ ەليەۆكە ديۆيدەند رەتٸندە 2015 جىلى ت587 ملن, 2016 جىلى ت940 ملن, 2017 جىلى ت500 ملن تٶلەدٸ. 2022 جىلى تٶلەنگەن ديۆيدەندتەر كٶلەمٸ ت2,4 ملرد بولدى. ەندٸ وسىنشاما كٶلەمدەگٸ زاڭسىز الىنعان اقشانى قالاي قايتارۋعا بولادى?» – دەپ سۇرادى ول سول كەزدە.
2023 جىلدىڭ 5 شٸلدەسٸندە بەسەكەلەستٸكتٸ قورعاۋ جەنە دامىتۋ اگەنتتٸگٸ سول كەزدە نۇرەلٸ ەليەۆكە تيەسٸلٸ «ترانستەلەكوم» بەسەكەلەستەرمەن كەلٸسٸمشارتتاردى بۇزۋعا شاقىرعانىن, بۇل زاڭ بۇزۋشىلىق بولىپ سانالاتىنىن مەلٸمدەدٸ.
جۋرناليست ەسەت ماتاەۆ سول كەزدە «ەسكٸ قازاقستاننىڭ» كٷشەيٸپ كەلە جاتقان ىقپالى مەملەكەتتٸك قۇرىلىمعا قاۋٸپ تٶندٸرەدٸ دەگەن پٸكٸر بٸلدٸردٸ.
2025 جىلدىڭ 12 اقپانىندا كازتاگ نۇرەلٸ ەليەۆتٸڭ «ترانستەلەكوم» اق باسشىسى رەتٸندەگٸ ٶكٸلەتتٸگٸن اتالعان كومپانييانىڭ ساتىلۋىنا بايلانىستى توقتاتقانىن حابارلادى.
