«قاراسورا – 2026» رەسپۋبليكالىق جەدەل-پروفيلاكتيكالىق ٸس-شاراسى اياسىندا استانادا سينتەتيكالىق ەسٸرتكٸنٸڭ ٸرٸ پارتيياسى تەركٸلەندٸ, دەپ حابارلايدى ult.kz.
ٸشكٸ ٸستەر مينيسترلٸگٸنٸڭ مەلٸمەتٸنشە, پوليتسييا قىزمەتكەرلەرٸ ەلوردانىڭ 40 جاستاعى تۇرعىنىن ۇستاعان. تەرگەۋ نۇسقاسىنا سەيكەس, ول Telegram مەسسەندجەرٸ ارقىلى ەسٸرتكٸ تاراتقان ينتەرنەت-دٷكەننٸڭ «قويماشىسى» بولعان.
كٷدٸكتٸنٸڭ تۇرعىلىقتى جەرٸندە جٷرگٸزٸلگەن تٸنتۋ جەنە الدىن الا جاسىرىلعان ورىنداردى تەكسەرۋ بارىسىندا وراۋ ماتەريالدارى, zip-lock پاكەتتەرٸ, سونداي-اق تٶرت كەلٸدەن استام α-PVP مەن مەفەدرون تەركٸلەندٸ. ۆەدومستۆونىڭ باعالاۋىنشا, بۇل 12 مىڭنان استام بٸر رەتتٸك دوزانىڭ زاڭسىز اينالىمعا تٷسۋٸنە توسقاۋىل بولعان.
ٸٸم ەسٸرتكٸ قىلمىسىنا قارسى ٸس-قيمىل كوميتەتٸ تٶراعاسىنىڭ ورىنباسارى ەلدار ەبدٸكەنوۆتٸڭ ايتۋىنشا, زاڭسىز اينالىمنان الىنعان ەربٸر ەسٸرتكٸ پارتيياسى – الدىن الىنعان قىلمىستار مەن ساقتالعان ادام ٶمٸرٸ.
اتالعان دەرەك بويىنشا قازاقستان رەسپۋبليكاسى قىلمىستىق كودەكسٸنٸڭ 297-بابىنىڭ 3-بٶلٸگٸمەن سوتقا دەيٸنگٸ تەرگەپ-تەكسەرۋ باستالدى. كٷدٸكتٸ ۋاقىتشا ۇستاۋ يزولياتورىنا قامالدى.
مينيسترلٸك ەسٸرتكٸنٸ جەتكٸزۋ, ساقتاۋ جەنە تاراتۋ ارنالارىنىڭ جولىن كەسۋ باعىتىنداعى جۇمىستار جالعاساتىنىن مەلٸمدەدٸ.
ەسكە سالايىق, بۇعان دەيٸن الماتىداعى پەتەرلەردٸڭ بٸرٸنەن تولىق جابدىقتالعان ەسٸرتكٸ زەرتحاناسى انىقتالعان بولاتىن.
