بٷگٸن ەلوردانىڭ ٷش اۋماعىندا قازاقستان رەسپۋبليكاسى تەۋەلسٸزدٸگٸنٸڭ 30 جىلدىعىنا ارنالعان مەرەكەلٸك وتشاشۋ ۇيىمداستىرىلدى. وتشاشۋ دەمەۋشٸلەر ەسەبٸنەن ٶتكٸزٸلدٸ, وعان بيۋدجەت قاراجاتى بٶلٸنگەن جوق, دەپ حابارلايدى قالا ەكٸمدٸگٸنٸڭ رەسمي سايتى.
وتشاشۋ ەلوردانىڭ ٷش ورنىندا ۇيىمداستىرىلدى: بوتانيكالىق باق اۋماعى, اتىراۋ كٶپٸرٸنەن سولتٷستٸككە قاراي ەسٸل ٶزەنٸنٸڭ سول جاعالاۋى, پۋشكين كٶشەسٸ مەن ابىلاي حان داڭعىلىنىڭ قيىلىسىنداعى اقبۇلاق ٶزەنٸنٸڭ سولتٷستٸك جاعى.
وسىلايشا, 10 مينۋتتىق وتشاشۋ قالانىڭ بارلىق اۋدانىندا كٶرٸنٸس تاپتى.
اتىراۋ كٶپٸرٸنٸڭ اۋدانىنان 5000-نان استامى اتىلىپ, وتشاشۋلاردىڭ بيٸكتٸگٸ 50-دەن 150 مەترگە دەيٸن جەتتٸ. بوتانيكالىق باق پەن پۋشكين كٶشەسٸنٸڭ اۋماعىندا 1200-دەن استامى اتىلدى.
ەستەرٸڭٸزگە سالا كەتەيٸك, ەل تەۋەلسٸزدٸگٸنٸڭ 30 جىلدىعىنا وراي ەلوردانىڭ مەدەنيەت مەكەمەلەرٸ 40-تان استام تٷرلٸ ٸس-شارا ٶتكٸزٸپ جاتىر. ٸس-شارانىڭ بەرٸ سانيتارلىق نورمالاردى ساقتاي وتىرىپ ٶتكٸزٸلەدٸ.
سول سيياقتى مەرەكە كٷندەرٸ قالادا بٸرقاتار ەلەۋمەتتٸك ماڭىزى بار نىساندار اشىلۋدا.
