فوتو: Inform.kz
استاناداعى نازارباەۆ ۋنيۆەرسيتەتٸندە قىتاي حالىق رەسپۋبليكاسىنىڭ تٶراعاسى سي تسزينپيننٸڭ «ەل باسقارۋ جٶنٸندە» اتتى تٶرت تومدىق كٸتابىنىڭ تۇساۋكەسەرٸ ٶتتٸ, دەپ حابارلايدى Ult.kz.
ٸس-شاراعا قازاقستان رەسپۋبليكاسىنىڭ مەدەنيەت جەنە اقپارات مينيسترٸ ايدا بالاەۆا, قىتاي كوممۋنيستٸك پارتيياسى ورتالىق كوميتەتٸنٸڭ ٷگٸت-ناسيحات بٶلٸمٸ مەڭگەرۋشٸسٸنٸڭ ورىنباسارى حۋ حەپين, قحر ۇلت ٸستەرٸ جٶنٸندەگٸ كوميتەت تٶراعاسىنىڭ ورىنباسارى گو ۆەيپين, قحر شەتەل ەدەبيەتٸن باسىپ شىعارۋ جەنە تاراتۋ جٶنٸندەگٸ باس باسقارماسىنىڭ جەتەكشٸسٸ دۋ چجانيۋان, سونداي-اق قازاقستان رەسپۋبليكاسىنداعى قحر-دىڭ تٶتەنشە جەنە ٶكٸلەتتٸ ەلشٸسٸ حان چۋنلين قاتىستى.
جيىن بارىسىندا ايدا بالاەۆا ەكٸ ەل اراسىنداعى مەدەني ىنتىماقتاستىقتىڭ ماڭىزىن اتاپ ٶتتٸ.
«قىتاي – قازاقستان ٷشٸن سەنٸمدٸ دوس, وداقتاس ەرٸ ستراتەگييالىق سەرٸكتەس. ەكٸ ەل اراسىنداعى عاسىرلار بويعى دوستىق, ٶزارا قۇرمەت پەن سەنٸمگە نەگٸزدەلگەن ىنتىماقتاستىق بٷگٸندە بارلىق باعىتتا تابىستى دامىپ كەلەدٸ.
مەملەكەتتەرٸمٸزدٸڭ باسشىلارى اراسىنداعى ٶزارا تٷسٸنٸستٸك پەن جوعارى دەڭگەيدەگٸ سەنٸم – ەكٸجاقتى قارىم-قاتىناستاردىڭ نىعايۋىنا زور ىقپال ەتۋدە. بۇل كٸتاپ – قىتاي مەملەكەتٸنٸڭ ساياسي باعىت-باعدارىن, ۇلتتىق بٸرلٸك پەن تۇراقتىلىقتى قامتاماسىز ەتۋدەگٸ ۇستانىمدارىن, سونداي-اق ۇزاقمەرزٸمدٸ ستراتەگييالىق ماقساتتارىن تٷسٸنۋگە ۇمتىلاتىن قازاقستاندىق وقىرمان ٷشٸن قۇندى دەرەككٶز بولماق.
سونىمەن قاتار, تۋىندى – قىتايدىڭ حالىقارالىق ارەناداعى ۇستانىمدارى مەن رٶلٸن سارالاۋعا مٷمكٸندٸك بەرەتٸن ماڭىزدى ەڭبەك», – دەدٸ ايدا بالاەۆا.
كٸتاپ قىتاي حالىق رەسپۋبليكاسىنداعى مەملەكەتتٸك باسقارۋ فيلوسوفيياسى مەن تەجٸريبەسٸنە ارنالعان. وندا قحر باسشىسىنىڭ ٸشكٸ جەنە سىرتقى ساياسات, ەكونوميكالىق جەنە ەلەۋمەتتٸك دامۋ ستراتەگييالارى جٶنٸندەگٸ كٶزقاراستارى قامتىلعان. باسىلىم ساياساتتانۋشىلارعا, حالىقارالىق قاتىناستار سالاسىنىڭ ماماندارىنا, ازييا ەلدەرٸنٸڭ دامۋ جولىنا قىزىعاتىن ماماندارعا, سونداي-اق قىتاي تٸلٸ, مەدەنيەتٸ مەن قوعامدىق قۇرىلىمىن زەرتتەيتٸن عالىمدارعا ارنالعان.
