8-9 قازان كٷندەرٸ «قۋاتتى ايماق – قۋاتتى قازاقستان» اكتسيياسىنىڭ اياسىندا, ەل تەۋەلسٸزدٸگٸنٸڭ 25-جىلدىعىنا وراي استانا قالاسىندا شىعىس قازاقستان وبلىسىنىڭ كٷندەرٸ ٶتەدٸ. ەلوردالىقتار مەن قالا قوناقتارىنىڭ نازارىنا ۇسىنىلعان كٶرمەلەر, سپەكتاكلدەر, كونتسەرتتەر مەن اۋىلشارۋاشىلىق ٶنٸمدەرٸنٸڭ جەرمەڭكەسٸ كەندٸ التايدىڭ ەگەمەندٸك العان جىلداردا ەكونوميكالىق جەنە مەدەنيەت سالالارىندا قول جەتكەن جەتٸستٸكتەرٸن پاش ەتەدٸ.
مەرەكەلٸك باعدارلامالاردىڭ شىمىلدىعى ۇلتتىق مۇراجايىندا قويىلعان شىعىسقازاقستاندىق سۋرەتشٸلەردٸڭ «ۋاقىت پورترەتٸنە شتريحتەر» كٶرمەسٸ جەنە «ٷلكەن جولدىڭ كەزەڭدەرٸ» فوتوەكسپوزيتسيياسى, «تەۋەلسٸزدٸكتٸڭ جارقىن جەتٸستٸكتەرٸ: شىعىس قازاقستان» اتتى كٸتاپ كٶرمەسٸمەن تٷرٸلەدٸ.
تەاتر ٶنەرٸنٸڭ جانكٷيەرلەرٸ اباي اتىنداعى تەاتردىڭ «دياديۋشكين سون» جەنە وبلىستىق دراما تەاتردىڭ «جۇلدىزدى سەت» قويىلىمدارىن تاماشالايدى. وسى كٷنٸ «بارىس» حوككەي كلۋبىنىڭ بەلدٸ ويىنشىسى, شىعىسقازاقستاندىق تالعات جايلاۋوۆ «قازاقستان» سپورت سارايىندا بالعىندار ٷشٸن شەبەرلٸك سىنىپتارىن ۇيىمداستىرادى.
«كٶرمە» كٶرمە ورتالىعىندا ەكٸ كٷن قاتارىنان شىعىس قازاقستان وبلىسىنىڭ جەتٸستٸكتەرٸ مەن ٶنٸمدەرٸنٸڭ «بەيبٸتشٸلٸك پەن جاسامپازدىقتىڭ 25 جىلى» اتتى كەڭ اۋقىمدى ەكسپوزيتسيياسى قىزا تٷسەدٸ. ايماقتىڭ تاريحي جەنە مەدەني ەرەكشەلٸكتەرٸنەن سىر شەرتكەن كٶرمەدە قوناقتار سونىمەن قاتار ٶڭٸردە شىعارىلاتىن ٶنەركەسٸپتٸك جەنە اۋىلشارۋاشىلىق ٶنٸمدەرٸمەن, وبلىستىڭ تۋريستٸك كلاستەرٸنٸڭ دامۋ باعىتىمەن جەنە قولعا الىنعان يننوۆاتسييالىق جوبالارمەن تانىسا الادى.
8-9 قازاندا «حان شاتىر» ساۋدا ورتالىعىنىڭ الدىنداعى الاڭدا ۇيىمداستىرىلعان «قازاقستاندا جاسالعان» اۋىلشارۋاشىلىق جەرمەڭكەسٸندە شىعىسقازاقستاندىق فەرمەرلەر ٶزدەرٸنٸڭ شارۋاشىلىق قوجالىقتارىندا ٶندٸرگەن ەكولوگييالىق تازا, ساپاسى جوعارى ٶنٸمدەرٸن ۇسىنادى. استانالىقتار مەن قالا قوناقتارى ٷشٸن 42 توننا جىلقى ەتٸ, 8 توننا قۇس ەتٸ, 10 توننا سٷت ٶنٸمدەرٸ مەن ٶسٸمدٸك مايى, 7 توننا كولباسا ٶنٸمدەرٸ مەن كونسەرۆٸلەر, 11 توننا بالىق, 30 توننا بال, 6 توننا قىمىز بەن كرۋپالار, 55 توننا باقشا ٶنٸمدەرٸ, 107 توننا كٶكٶنٸستەر مەن 8 توننا كارتوپ جەتكٸزٸلەدٸ. وسىنداي بەرەكەلٸ كٷزدٸڭ باي ٶنٸمدەرٸمەن قوسا بۇعى ٶنٸمدەرٸ مەن قاراعاي جاڭعاقتارى دا بار.
ەمٸرە قاشاۋباەۆ اتىنداعى وبلىستىق مەملەكەتتٸك فيلارمونييانىڭ ەكٸ كٷنگە سوزىلاتىن كونتسەرتٸ كٶرەرمەندەرگە كٶتەرٸڭكٸ كٶڭٸل-كٷي مەن تاماشا دەمالىس سىيلاماق.
اينا ەسكەنقىزى
