استانادا اۆتوبۋس جولاۋشىلار جاڭبىر سۋىنىڭ كٶلٸك سالونىنا كٸرٸپ كەتكەنٸن ۆيدەوعا تٷسٸرٸپ العان. ادامدار اياعىن سۋ قىلماس ٷشٸن, بيٸگٸرەك شىعۋعا مەجبٷر بولىپتى. Astana LRT مەلٸمەت بەرگەندەي, بۇل بەينەجازبا جالعان ەمەس, دەپ جازادى Sputnik اگەنتتٸگٸ.
"بۇل - مونتاج ەمەس. شىنىمەن سولاي بولدى. اۆتوبۋس مومىشۇلى كٶشەسٸندەگٸ تەرەڭ كٶلشٸكتەن ٶتٸپ بارا جاتقان بولسا كەرەك. جٷرگٸزۋشٸ سول شەڭبەردٸ اياقتاۋعا تيٸس بولدى, ٶيتكەنٸ جولاۋشىلاردى مەجەلەگەن جەرٸنە اپارىپ سالۋ كەرەك ەدٸ. سودان سوڭ تەحنيكالىق كٶمەك شاقىرىلدى. كٶلٸك سىنباعان. بٸز پروبلەمانىڭ الدىن الىپ, اۆتوبۋستى اۆتوپارككە جٸبەردٸك. جەلٸگە رەزەرۆتەگٸ اۆتوبۋس شىقتى", — دەيدٸ "Astana LRT" جشس قوعاممەن بايلانىس قىزمەتٸنٸڭ باسشىسى ناۋات ازانباەۆا.
اۋا رايى قولايسىزدىعىنا بايلانىستى ەلوردادا بٸرقاتار اۆتوبۋستىڭ باعدارى ٶزگەرتٸلگەن. سەرسەنبٸ كٷنٸ تاڭەرتەڭ قوعامدىق كٶلٸك ەدەتتەگٸ باعدارمەن قىزمەت كٶرسەتە باستادى.
استاناداعى نٶسەر جاڭبىر – انومالدى قۇبىلىس
ازانباەۆانىڭ سٶزٸنە سٷيەنسەك, تەجٸريبەسٸ مول قىزمەتكەرلەردٸڭ ٶزٸ ەلوردا اۆتوبۋسىنىڭ سۋعا باتقان كەزٸن ەستەرٸنە تٷسٸرە الماپتى.
انومالدى نٶسەردٸڭ سالدارىمەن 140 كٶلٸك كٷرەستٸ, دەپ حابارلادى قالالىق ەكٸمدٸك.
ەستەرٸڭٸزگە سالا كەتسەك, دٷيسەنبٸ كٷنٸ كەشكٸسٸن استانادا جاۋىن-شاشىننىڭ ايلىق مٶلشەرٸ تٷسكەن.
كەي تۇرعىندار كٶشەنٸ قايىقپەن جٷزٸپ ٶتٸپتٸ.
سەنات سپيكەرٸ قاسىم-جومارت توقاەۆ استانانىڭ نٶسەر جاڭبىرعا دايىن ەمەس ەكەنٸن اتاپ, قالا بيلٸگٸن سىنعا الدى.
