فوتو: turkystan.kz
سەناتورلار مەملەكەتتٸك قىزمەتشٸلەردٸڭ روتاتسيياسىن ەنگٸزۋ جٷيەسٸن ماقۇلدادى, دەپ حابارلايدى Sputnik قازاقستان اگەنتتٸگٸ.
جوعارى پالاتا سپيكەرٸ مەۋلەن ەشٸمباەۆتىڭ ايتۋىنشا, زاڭمەن ورتالىق پەن ٶڭٸرلەر اراسىندا كادرلىق روتاتسييا جٷرگٸزۋ شارالارى بەكٸتٸلٸپ وتىر.
"بٷگٸندە مينيسترلٸكتەردەگٸ كٶپ ازامات ٶڭٸرلەردە جۇمىس ٸستەمەگەن, تەجٸريبەسٸ جوق. ٶڭٸرلەردە نە بولىپ جاتقانىن بٸلە بەرمەيدٸ. ال مينيسترلٸكتەردە قابىلداناتىن بارلىق شەشٸم ٶڭٸرلەردٸڭ مٷددەسٸن, ٶڭٸرلەردٸڭ جاعدايىن ەسكەرٸپ, قابىلدانۋى كەرەك. وسى ماقساتتا روتاتسييا مەحانيزمٸ جۇمىس ٸستەيدٸ دەپ سەنەمٸز", - دەيدٸ ەشٸمباەۆ.
سپيكەر ٶڭٸرلەر اراسىنداعى روتاتسييانى دا قامتۋ كەرەكتٸگٸن ەرەكشە اتاپ ٶتتٸ.
"مىسالى, باتىستىڭ ازاماتتارى شىعىسقا بارىپ جۇمىس ٸستەيتٸندەي مٷمكٸندٸك بولۋى كەرەك. سولتٷستٸكتەگٸ ازاماتتار وڭتٷستٸككە بارسىن. سوعان جاعداي جاساۋىمىز قاجەت. بۇل ەلٸمٸزدٸ بٸرتۇتاس مەملەكەت رەتٸندە دامىتۋعا ٶز ٷلەسٸن قوساتىن قادام ەكەنٸ سٶزسٸز", - دەپ اتاپ ٶتتٸ ەشٸمباەۆ.
ايتا كەتەرٸ, مەملەكەتتٸك قىزمەتشٸلەردٸ روتاتسييالاۋ كەزٸندە تۇرعىن ٷيدٸ جالداۋ ماقساتىندا روتاتسييالىق تٶلەمدەر بەرٸلەدٸ دەگەن جوسپار بار.
