Foto: turkystan.kz
Senatorlar memlekettik qyzmetshilerdiń rotatsiiasyn engizý júiesin maquldady, dep habarlaidy Sputnik Qazaqstan agenttigi.
Joǵary palata spikeri Máýlen Áshimbaevtyń aitýynsha, zańmen ortalyq pen óńirler arasynda kadrlyq rotatsiia júrgizý sharalary bekitilip otyr.
"Búginde ministrlikterdegi kóp azamat óńirlerde jumys istemegen, tájiribesi joq. Óńirlerde ne bolyp jatqanyn bile bermeidi. Al ministrlikterde qabyldanatyn barlyq sheshim óńirlerdiń múddesin, óńirlerdiń jaǵdaiyn eskerip, qabyldanýy kerek. Osy maqsatta rotatsiia mehanizmi jumys isteidi dep senemiz", - deidi Áshimbaev.
Spiker óńirler arasyndaǵy rotatsiiany da qamtý kerektigin erekshe atap ótti.
"Mysaly, batystyń azamattary shyǵysqa baryp jumys isteitindei múmkindik bolýy kerek. Soltústiktegi azamattar ońtústikke barsyn. Soǵan jaǵdai jasaýymyz qajet. Bul elimizdi birtutas memleket retinde damytýǵa óz úlesin qosatyn qadam ekeni sózsiz", - dep atap ótti Áshimbaev.
Aita keteri, memlekettik qyzmetshilerdi rotatsiialaý kezinde turǵyn úidi jaldaý maqsatynda rotatsiialyq tólemder beriledi degen jospar bar.
