استانادا پوليتسييا قىزمەتكەرلەرٸ مەشٸتتەن ۇيالى تەلەفون ۇرلادى دەگەن كٷدٸكپەن 25 جاستاعى ەر ادامدى ۇستادى, دەپ حابارلايدى ult.kz.
قالالىق پوليتسييا دەپارتامەنتٸنٸڭ باسپاسٶز قىزمەتٸنٸڭ مەلٸمەتٸنشە, وقيعا تاڭعى ۋاقىتتا بولعان. نامازعا كەلگەن ازامات قۇلشىلىعىن اياقتاعان سوڭ دەمالۋ ٷشٸن تەلەفونىن جانىنا قويىپ, قۋاتتاۋعا قوسىپ كەتكەن. وسى سەتتٸ پايدالانعان كٷدٸكتٸ اينالاداعىلاردىڭ نازارىنان تىس قالعان قۇرىلعىنى جاسىرىن الىپ, وقيعا ورنىنان كەتٸپ قالعان.
جەدەل-ٸزدەستٸرۋ شارالارى بارىسىندا پوليتسييا قىزمەتكەرلەرٸ بەينەباقىلاۋ كامەرالارىنىڭ جازبالارىن زەردەلەپ, سول كٷنٸ كٷدٸكتٸنٸڭ جەكە باسىن انىقتاپ, ونى ۇستاعان.
ۇرلانعان تەلەفون تەركٸلەنٸپ, زاڭدى يەسٸنە قايتارىلدى. اتالعان دەرەك بويىنشا قىلمىستىق ٸس قوزعالىپ, سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
ايتا كەتەيٸك, بۇعان دەيٸن دە ەلورداداعى مەشٸتتەردٸڭ بٸرٸندە ناماز وقىپ تۇرعان ازاماتتىڭ تەلەفونىن ۇرلاعان كٷدٸكتٸ پوليتسييانىڭ قولىنا تٷسكەن بولاتىن.
