فوتو: gov.kz
2026 جىلعى 5 مامىردا استاناداعى Maqsut Narikbayev University بازاسىندا فرانتسييانىڭ قازاقستانداعى ەلشٸلٸگٸنٸڭ باستاماسىمەن «Lumières» قورىنىڭ سالتاناتتى اشىلۋى ٶتتٸ, دەپ حابارلايدى Ult.kz.
"Maqsut Narikbayev University قازاقستاندا «Lumières» قورىنىڭ قىزمەتٸن باستاۋعا ارنالعان ينستيتۋتسيونالدىق الاڭ بولىپ تابىلادى, قاجەتتٸ ينفراقۇرىلىمدىق جەنە ۇيىمداستىرۋشىلىق قولداۋدى قامتاماسىز ەتەدٸ. ۋنيۆەرسيتەت جوبا باستاماسىنان بەرٸ ونىڭ دامۋىنا بەلسەندٸ اتسالىسىپ, قوردى قازاقستان مەن فرانتسييا اراسىنداعى اكادەمييالىق جەنە عىلىمي ىنتىماقتاستىقتى كەڭەيتۋدٸڭ ماڭىزدى ەلەمەنتٸ رەتٸندە قاراستىرادى", - دەلٸنگەن حابارلامادا.
«Lumières» قورى – ەكٸ ەل اراسىنداعى جوعارى بٸلٸم بەرۋ سالاسىنداعى بايلانىستى نىعايتۋعا باعىتتالعان قۇرىلىم. قور ۇزاق مەرزٸمدٸ تۇجىرىمدامالىق جۇمىستىڭ نەتيجەسٸندە قۇرىلعان جەنە ونىڭ قىزمەتٸ ٷش نەگٸزگٸ باعىتقا نەگٸزدەلگەن: ٸلگەرٸلەتۋ, قارجىلاندىرۋ جەنە جاڭا باستامالاردى دامىتۋ.
قوردىڭ باستى ميسسيياسى – بٸرلەسكەن بٸلٸم بەرۋ جوبالارىن بٸرٸكتٸرۋ, ستۋدەنتتەردٸڭ اكادەمييالىق ۇتقىرلىعىن قولداۋ جەنە قازاقستانداعى فرانتسۋز كەسٸپورىندارىنىڭ كادرلىق قاجەتتٸلٸكتەرٸن قامتاماسىز ەتۋ. سونىمەن قاتار قور وقۋ باعدارلامالارىنا ارنايى تالاپتار نەگٸزٸندە ساپا سەرتيفيكاتتارىن بەرۋدٸ كٶزدەيدٸ.
بٷگٸندە قوردىڭ ۆەب-پلاتفورماسىندا 17 قوس ديپلومدىق باعدارلاما مەن 40-قا جۋىق سەرٸكتەستٸك تۋرالى اقپارات قولجەتٸمدٸ. سونداي-اق ۇيىم استانا جەنە الماتى قالالارىندا جىل سايىن بوس جۇمىس ورىندارى جەرمەڭكەسٸن ٶتكٸزۋدٸ جوسپارلاپ وتىر. بۇل باستامالار اكادەمييالىق ورتا مەن بيزنەس قاۋىمداستىق اراسىنداعى بايلانىستى نىعايتۋعا مٷمكٸندٸك بەرەدٸ.
قور قىزمەتٸنٸڭ ماڭىزدى باعىتتارىنىڭ بٸرٸ – قازاقستاندىق ستۋدەنتتەردٸڭ فرانتسييادا بٸلٸم الۋىنا جاعداي جاساۋ. اتاپ ايتقاندا, باكالاۆريات دەڭگەيٸندە اكادەمييالىق ۇتقىرلىق گرانتتارىن قارجىلاندىرۋ جەنە جاڭا بٸلٸم بەرۋ باعدارلامالارىن ٸسكە قوسۋ ٷشٸن ينۆەستيتسييالار تارتۋ كٶزدەلگەن. بۇل ماقساتتا فرانتسۋز جەنە قازاقستاندىق مەملەكەتتٸك ەرٸ جەكە سەكتور قاراجاتى جۇمىلدىرىلادى.
جوبا اياسىندا بٸلٸم العان ستۋدەنتتەر فرانتسۋز جەنە ەۋروپالىق ستاندارتتارعا ساي دايارلانىپ, قازاقستاندا ەڭبەك ەتۋگە باعىتتالادى. وسىلايشا فرانتسييا ورتالىق ازييا جاستارىنىڭ كەسٸبي دامۋىنا ٶز ٷلەسٸن قوسپاق.
ايتا كەتەيٸك, «Lumières» قورى فرانتسييا–قازاقستان ساۋدا-ٶنەركەسٸپ پالاتاسىنىڭ قولداۋىمەن جٷزەگە اسىرىلىپ وتىر. قور اتاۋى XVIII عاسىرداعى فرانتسيياداعى اعارتۋشىلىق دەۋٸرٸنە سٸلتەمە جاساپ, عىلىم مەن بٸلٸمنٸڭ دامۋىن بٸلدٸرەدٸ.
