فوتو: © Sputnik / ۆلاديسلاۆ ۆودنەۆ
استانادا جەڭٸل رەلستٸ كٶلٸكتٸ ٸسكە قوسۋ 2025 جىلعا كەيٸنگە قالدىرىلدى. بۇل تۋرالى مەسليحات وتىرىسىندا City Transportation Systems تٶراعاسى عاني تەجيەۆ مەلٸمدەدٸ, دەپ حابارلايدى Sputnik قازاقستان.
"جوبانى جەدەلدەتۋ ٷشٸن ەكٸ كەزەڭمەن ٸسكە قوسۋ جوسپارلانعان. بٸرٸنشٸ كەزەڭدە, ياعني 2025 جىلى العاشقى لرت ٸسكە قوسىلادى. بٸرٸنشٸ كەشەننٸڭ جالپى سوماسى - 1 ملرد 152 ملن دوللار نەمەسە جوبانىڭ جالپى قۇنىنىڭ 61%-ى. وسى ۋاقىتتا سەگٸز ستانتسييا سالىنىپ, بەس جىلجىمالى قۇرام ٸسكە قوسىلادى. قۇنى 735 ملن دوللار نەمەسە جالپى قۇنىنىڭ 39%-ى قۇرايتىن ەكٸنشٸ ٸسكە قوسۋ كەزەڭٸندە قالعان 10 ستانتسييا پايدالانۋعا بەرٸلەدٸ. قوسىمشا 14 بٸرلٸك جىلجىمالى قۇرام ٸسكە قوسىلادى. اياقتالۋ مەرزٸمٸ - 2026 جىلدىڭ سوڭىنا دەيٸن", - دەدٸ تەجيەۆ.
ەكٸ كەشەننٸڭ جالپى قۇنى-1 ميلليارد 887 ميلليون دوللار. بۇعان دەيٸن استانا ەكٸمٸ جەڭٸس قاسىمبەك LRT-دٸ 2024 جىلدىڭ سوڭىنا دەيٸن ٸسكە قوسۋعا ۋەدە بەرگەن بولاتىن.
