فوتو: قر مام
استانادا قازاقستانداعى رەسەيدٸڭ مەدەنيەت كٷندەرٸ اياسىندا رەسەي كينوسى فەستيۆالٸ باستالدى. فەستيۆال باعدارلاماسى 26 سەۋٸرگە دەيٸن جالعاسىپ, ەكٸ ەل اراسىنداعى مەدەني-گۋمانيتارلىق بايلانىستاردى ودان ەرٸ نىعايتۋعا باعىتتالعان, دەپ حابارلايدى Ult.kz.
ٸس-شارانىڭ اشىلۋىندا «روسكينو» باس ديرەكتورى ەلزا انتونوۆا رەسەي فەدەراتسيياسىنىڭ مەدەنيەت مينيسترٸ ولگا ليۋبيموۆانىڭ قۇتتىقتاۋ حاتىن وقىپ بەردٸ.
«قازاقستانداعى رەسەي كينوسى فەستيۆالٸنٸڭ ٶتكٸزٸلۋٸ ٶنەر مەن كينەماتوگرافييا ارقىلى ىنتىماقتاستىعىمىزدى ارتتىرا تٷسۋگە جول اشادى. بۇل جوبا مەدەني الماسۋدى جانداندىرىپ, حالىقتار اراسىنداعى ٶزارا تٷسٸنٸستٸك پەن رۋحاني ٷندەستٸكتٸ تەرەڭدەتە تٷسەدٸ», – دەلٸنگەن قۇتتىقتاۋ حاتتا.
ەلزا انتونوۆا «روسكينو» جىل سايىن ەلەمنٸڭ بٸرقاتار ەلٸندە رەسەي كينوسى فەستيۆالدەرٸن ٶتكٸزەتٸنٸن, الايدا قازاقستانداعى فەستيۆالدٸڭ ورنى ايرىقشا ەكەنٸن اتاپ ٶتتٸ. ونىڭ ايتۋىنشا, باعدارلاماعا بٷگٸندە رەسەيدە پروكاتقا شىعىپ, قالىڭ كٶرەرمەننٸڭ جوعارى باعاسىنا يە بولعان جەنە زاماناۋي رەسەيلٸك كينونىڭ جانرلىق الۋاندىعىن كٶرسەتەتٸن فيلمدەر ەنگٸزٸلگەن.
ش.ايمانوۆ اتىنداعى «قازاقفيلم» اق پرەزيدەنتٸنٸڭ مٸندەتٸن اتقارۋشى ايدار وماروۆ مۇنداي جوبالار ەكٸ ەل اراسىنداعى مەدەني بايلانىستاردى بايىتىپ, ۇلتتىق كينونى ٸلگەرٸلەتۋگە تىڭ سەرپٸن بەرەتٸنٸن اتادى.
فەستيۆالدٸڭ اشىلۋىندا «پەرۆىي نا وليمپە» سپورت دراماسى كٶرسەتٸلدٸ. تٶرت كٷن بويى كٶرەرمەندەرگە ەرتٷرلٸ جانرداعى جەتٸ رەسەيلٸك فيلم تەگٸن ۇسىنىلادى. باعدارلاماعا سونداي-اق «اۆياتور», «بۋراتينو», «چەبۋراشكا 2», «كراسنىي شەلك», «تري كوتا. پۋتەشەستۆيە ۆو ۆرەمەني» جەنە «اۆگۋست» فيلمدەرٸ ەنگەن.
فەستيۆال اياسىندا دەلەگاتسييا ٶكٸلدەرٸمەن كەزدەسۋلەر مەن شىعارماشىلىق ماماندىقتا وقيتىن قازاقستاندىق ستۋدەنتتەرگە ارنالعان شەبەرلٸك ساباقتارى جوسپارلانعان. كٶرەرمەندەرمەن كەزدەسۋگە «اۆياتور» فيلمٸندە ويناعان اكتريسا داريا كۋكارسكايا مەن «پەرۆىي نا وليمپە» كارتيناسىندا رٶل سومداعان اكتەر انتون ساۆۆاتيموۆ قاتىسادى.
