فوتو: قر مام
استاناداعى ۇلتتىق اكادەمييالىق كٸتاپحانادا قازاقستان جازۋشىلار وداعىنىڭ جىل قورىتىندىسىنا ارنالعان «جاس ەدەبيەتتٸڭ كٶكجيەگٸ» اتتى ەدەبي-مەدەني جيىن ٶتتٸ, دەپ حابارلايدى Ult.kz.
ٸس-شاراعا قر مەدەنيەت جەنە اقپارات ۆيتسە-مينيسترٸ ايبەك سىدىقوۆ, قىرعىز رەسپۋبليكاسىنىڭ مەملەكەتتٸك حاتشىسى, قىرعىزستاننىڭ ەل جازۋشىسى ارسلان قويشيەۆ, قازاقستان جازۋشىلار وداعى باسقارماسىنىڭ تٶراعاسى مەرەكە قۇلكەنوۆ جەنە قازاقستاننىڭ بەلگٸلٸ اقىن-جازۋشىلارى, ەدەبيەتتانۋشى عالىمدار, زييالى قاۋىم ٶكٸلدەرٸ مەن جاس قالامگەرلەر قاتىستى. كەزدەسۋ بارىسىندا ايبەك سىدىقوۆ قر پرەمەر-مينيسترٸنٸڭ ورىنباسارى – مەدەنيەت جەنە اقپارات مينيسترٸ ايدا بالاەۆانىڭ قۇتتىقتاۋ حاتىن وقىدى.
«مەدەنيەت جەنە اقپارات مينيسترلٸگٸ قالامگەرلەرگە, رۋحانييات سالاسىنا قولداۋ كٶرسەتۋ ماقساتىندا جازۋشىلار وداعىمەن جەمٸستٸ جۇمىس ٸستەپ كەلەدٸ. ونىڭ ٸشٸندە «ستراتەگييالىق ەرٸپتeستٸك» باعىتى بويىنشا جاسالىپ جاتقان جوبالار مەن مەرەيتويلاردى اتاپ ٶتۋ, قالاماقى تٶلەۋ, كٸتاپتار باسىپ شىعارۋ, حالىقارالىق كٸتاپ كٶرمەلەرٸندە ناسيحاتتاۋ جۇمىستارىنىڭ ماڭىزى زور. بٷگٸنگٸ مەملەكەتتٸك تاپسىرىسپەن جەنە «قازاقستاننىڭ ەدەبي-تانىمدىق پانوراماسى» جوباسى اياسىندا جارىق كٶرگەن جاڭا كٸتاپتاردىڭ تانىستىرىلىمى قۇتتى بولسىن! بارشا قالامگەرلەرگە شالقار شابىت تٸلەيمٸن!», — دەلٸنگەن قۇتتىقتاۋ حاتتا.
باسقوسۋدا ۇلتتىق ەدەبيەتتٸڭ دامۋ باعىتتارى مەن قازٸرگٸ زامان ەدەبيەتٸنٸڭ ٶزەكتٸ مەسەلەلەرٸ تالقىلاندى.
ٸس-شارا اياسىندا «تٷركٸ ەلەمٸنٸڭ ەدەبيەتٸ» جوباسى بويىنشا جارىق كٶرگەن 4 جاڭا كٸتاپتىڭ, «قوعامدىق ماڭىزى بار ەدەبيەتتەردٸ باسىپ شىعارۋ جەنە تاراتۋ» مەملەكەتتٸك باعدارلاماسى شەڭبەرٸندە شىققان 2 كٸتاپتىڭ, سونداي-اق جاس قالامگەرلەردٸڭ 20 كٸتابىنىڭ تۇساۋكەسەرٸ ٶتتٸ.
فوتو: قر مام
جارىققا شىققان بارلىق كٸتاپتار ەلٸمٸزدەگٸ جالپىعا بٸردەي قولجەتٸمدٸ كٸتاپحانالارعا تاراتىلدى.
جيىن بارىسىندا سٶز سٶيلەگەن ارسلان قويشيەۆ تٷركٸ حالىقتارى اراسىنداعى ەدەبي ىنتىماقتاستىقتىڭ ماڭىزىن اتاپ ٶتٸپ, ەدەبي جوبالاردى جٷيەلٸ تٷردە قولداپ كەلە جاتقان قازاقستان رەسپۋبليكاسىنىڭ مەدەنيەت جەنە اقپارات مينيسترلٸگٸ مەن قازاقستان جازۋشىلار وداعىنا العىسىن بٸلدٸردٸ. ول مۇنداي باستامالاردىڭ ورتاق رۋحاني قۇندىلىقتاردى دەرٸپتەۋگە جەنە قالامگەرلەر اراسىنداعى شىعارماشىلىق بايلانىستى نىعايتۋعا ايرىقشا ٷلەس قوساتىنىن جەتكٸزدٸ.
كەزدەسۋ سوڭىندا ەدەبيەتتەگٸ جاڭاشىل ٷردٸستەر, تٷركٸ دٷنيەسٸنٸڭ ورتاق رۋحاني قۇندىلىقتارى مەن بولاشاقتاعى شىعارماشىلىق ىنتىماقتاستىق باعىتتارى سٶز بولدى.
