استانادا «قازاق حاندىعى. التىن تاق» فيلمٸنٸڭ تۇساۋكەسەرٸ ٶتتٸ, دەپ حابارلايدى "ۇلت اقپارات" «قازاقفيلم» كينوستۋديياسىنىڭ رەسمي سايتىنا سٸلتەمە جاساپ.
«التىن تاق» تاريحي تۋىندىسى - «قازاق حاندىعى» كينوسەريالىنىڭ ەكٸنشٸ ماۋسىمى. ونىڭ العاشقى كٶرەرمەندەرٸ ەلٸمٸزدٸڭ بارلىق ايماقتارىنان «نۇر وتان» پارتيياسىنىڭ مەرەيتويلىق سەزٸنە كەلگەن دەلەگاتتار بولدى. تۇساۋكەسەر ەلورداداعى «قازاقستان» ورتالىق كونتسەرت زالىندا ٶتتٸ.
تاريحي تۋىندىنىڭ اۆتورى - قر پرەزيدەنتٸ نۇرسۇلتان نازارباەۆ.
تۇساۋكەسەر بارىسىندا كينوتۋىندىعا قاتىسقان شىعارماشىلىق قۇرام مەن اكتەرلەر قىزىل كٸلەممەن جٷرٸپ ٶتتٸ.
«قازاق حاندىعى» كينوجوباسى ەلباسىنىڭ باستاماسى بويىنشا قولعا الىندى جەنە حالىقتىڭ رۋحاني جاڭعىرۋىنا باعىتتالعان. قازاقستان رەسپۋبليكاسىنىڭ پرەزيدەنتٸ نۇرسۇلتان نازارباەۆ جاڭا تۇرپاتتى جاڭعىرۋدىڭ ەڭ باستى شارتى ۇلتتىق مەدەنيەتتٸ, ۇلتتىق كودتى ساقتاي بٸلۋ ەكەندٸگٸن ايتتى. ولار ساقتالماسا, ەشقانداي جاڭعىرۋ بولمايتىندىعىن اتاپ ٶتكەن بولاتىن. فيلمدە تاريح قانا ەمەس, كٶشپەندٸ حالىقتىڭ باي مەدەنيەتٸ, ونىڭ تىنىس-تٸرشٸلٸگٸ بەينەلەنگەن. سونىمەن قاتار, ەلباسىنىڭ «ۇلى دالانىڭ جەتٸ قىرى» ماقالاسىندا كٶتەرٸلگەن مەسەلەلەر فيلمدە كٶرٸنٸس تاپتى», - دەدٸ مەدەنيەت جەنە سپورت مينيسترٸ ارىستانبەك مۇحامەديۇلى.
فيلم پروكاتقا بيىلعى ناۋرىز ايىندا شىعادى.
كٶپ سەرييالى كارتينانى قر مەدەنيەت جەنە سپورت مينيسترلٸگٸنٸڭ تاپسىرىسى بويىنشا «Centaurus Rustem Abdrashev production» جشس-نٸڭ قاتىسۋىمەن ش.ايمانوۆ اتىنداعى «قازاقفيلم» كينوستۋديياسى تٷسٸردٸ.
ەكٸنشٸ ماۋسىمنىڭ وقيعا جەلٸسٸ جەنٸبەك پەن كەرەي حانداردىڭ ەبٸلقايىر شايباني ۇرپاقتارىمەن قازاق حاندىعىنىڭ سىعاناقتاعى تاعى ٷشٸن تالاسى اينالاسىندا ٶربيدٸ. بۇل قازاق حاندىعىنداعى ەڭ كٷردەلٸ كەزەڭدەرٸنٸڭ بٸرٸ.
فيلمنٸڭ رەجيسسەرٸ - قازاقستان رەسپۋبليكاسىنىڭ ەڭبەك سٸڭٸرگەن قايراتكەرٸ, كينورەجيسسەر, ستسەناريست جەنە سۋرەتشٸ رٷستەم ەبدٸراش. ول «قۇراق كٶرپە», «قالادان كەلگەن قىز», «ستالينگە سىيلىق», ەلباسى جولى كينوەپوپەياسىنىڭ: «بالالىق شاعىمنىڭ اسپانى», «وت-ٶزەن», «تەمٸرتاۋ», «تىعىرىقتان جول تاپقان» جەنە «قازاق حاندىعى. الماس قىلىش» اتتى كينوتۋىندىلاردىڭ اۆتورى.
«قازاق حاندىعى» سەريالىنىڭ بٸرٸنشٸ ماۋسىمى وتانداستارىمىزدىڭ تاريحقا دەگەن قىزىعۋشىلىعىن وياتتى. شىعارماشىلىق توپتىڭ اتىنا كٶپتەگەن العىس حاتتار كەلٸپ تٷستٸ, عالامتور جەنە ەلەۋمەتتٸك جەلٸلەر ارقىلى جىلى لەبٸزدەر الدىق. كٶپتەگەن پٸكٸرتالاستار مەن سىندار دا بولدى. حالىق تاراپىنان وسى جوبانىڭ جالعاسىن تٷسٸرسە ەكەن دەگەن تٸلەگٸن اڭعاردىق. بۇل بٸز ٷشٸن ٶتە ماڭىزدى», - دەپ اتاپ ٶتتٸ فيلمنٸڭ رەجيسسەرٸ رٷستەم ەبدٸراش.
10 سەرييادان تۇراتىن تاريحي سەريالدىڭ ەكٸنشٸ ماۋسىمىنىڭ ستسەنارييٸن جازۋعا بٸرٸنشٸ ماۋسىمنىڭ اۆتورلارى تيمۋر جاقسىلىقوۆ, سماعۇل ەلۋباي, رٷستەم ەبدٸراش قاتىستى.
تاريحي كينونىڭ تٷسٸرٸلٸمدەرٸ الماتى وبلىسىندا مامىردىڭ باسىندا باستالعان ەدٸ. كەيٸنٸرەك تٷسٸرٸلٸم توبى تٷركٸستان وبلىسىندا ورنالاسقان «ەلتاي» اۋىلى ماڭىنداعى «يٸر سۋ» جايلاۋىنا اۋىستى. تٷسٸرٸلٸم توبى رەجيسسەر رٷستەم ەبدٸراشتٸڭ باستاۋىمەن كەرەي مەن جەنٸبەك حانداردىڭ تۇراعىن - تٶرەلەردٸڭ اۋىلىن جاساپ شىقتى. شايبانيلار مەن قازاق حاندىعىنىڭ ٷلكەن ۇرىس ساحناسى دا جايلاۋدا تٷسٸرٸلگەن.
سونىمەن قاتار, تٷسٸرٸلٸمدەر قازاقستاننىڭ تاريحي قالالارى - تاراز جەنە تٷركٸستاندا ٶتتٸ.
«ەكٸنشٸ ماۋسىمنىڭ اتى ايتىپ تۇرعانداي «قازاق حاندىعى. التىن تاق». قازاق حاندىعىنداعى ەڭ بٸر كٷردەلٸ كەزەڭدەردٸڭ بٸرٸ. جەنٸبەك پەن كەرەيدٸڭ ەبٸلقايىر شايباني ۇرپاقتارىمەن قازاق حاندىعىنىڭ سىعاناقتاعى تاعى ٷشٸن تاق تالاسى. بۇل ماۋسىمدا تاقتى, اقوردانىڭ استاناسى سىعاناقتى قايتارۋ سىندى ماڭىزدى وقيعالاردىڭ اينالاسىندا ٶربيدٸ. بٸرٸنشٸ ماۋسىممەن سالىستىرعاندا بۇل, ەرينە, ەلدەقايدا قىزىعىراق, ديناميكاسى جاعىنان جىلدام. ەكشن كٶپ بولادى. كٶرەرمەنگە قىزىقتى بولادى دەگەن ويدامىن», - دەدٸ فيلمنٸڭ باس پروديۋسەرٸ ارمان ەسەنوۆ.
ەستەرٸڭٸزگە سالا كەتەيٸك, قازاق حاندىعىنىڭ قۇرىلعانىنا 550 جىل تولۋىنا بايلانىستى جاسالعان سەريالدىڭ بٸرٸنشٸ ماۋسىمىنىڭ تەلەۆيزييالىق تۇساۋكەسەرٸ 2017 جىلدىڭ ناۋرىزىندا ٶتكەن بولاتىن. سونداي-اق, سول جىلى قاڭتار ايىندا «الماس قىلىش» اتتى كينونۇسقاسى جالپىۇلتتىق پروكاتقا شىقتى.
