فوتو: Polisia.kz
استانادا ٸرٸ كٶلەمدە الاياقتىق جاسادى دەگەن كٷدٸكپەن 43 جاستاعى ازامات ۇستالدى. بۇل تۋرالى Polisia.kz حابارلادى.
قالانىڭ الماتى اۋداندىق پوليتسييا قىزمەتكەرلەرٸ “Anti-fraud” جەدەل الدىن الۋ ٸس-شاراسى اياسىندا كٷدٸكتٸنٸ قولعا تٷسٸرگەن. تەرگەۋ دەرەكتەرٸنە سٷيەنسەك, ول ٶزٸن ۇلتتىق بانك قىزمەتكەرٸ رەتٸندە تانىستىرىپ, جەبٸرلەنۋشٸگە تەلەفون ارقىلى حابارلاسقان.
كٷدٸكتٸ “سٸزدٸڭ دەپوزيتتٸك شوتىڭىزدان بەلگٸسٸز تۇلعالار اقشا اۋدارۋعا ەرەكەت جاساپ جاتىر” دەپ سەنٸمگە كٸرٸپ, قاۋٸپسٸزدٸك ماقساتىندا جالعان “قاۋٸپسٸز شوتقا” 1 ميلليون تەڭگە اۋدارۋدى تالاپ ەتكەن. ارتىنشا ٸسكە سىبايلاستارى قوسىلىپ, ٶزدەرٸن قۇقىق قورعاۋ ورگاندارىنىڭ قىزمەتكەرلەرٸ رەتٸندە تانىستىرعان. ولار “وپەراتسييا جالعاسىپ جاتىر” دەگەن جەلەۋمەن جەبٸرلەنۋشٸنٸڭ ٶزگە دە جيناقتارى تۋرالى اقپارات العان.
سٶيتٸپ, الاياقتار ازاماتتى بانكتەگٸ ٸرٸ سوماداعى قاراجاتىن شەشٸپ الىپ, ونى “تەكسەرۋ ٷشٸن” ارنايى كۋرەرگە بەرۋگە كٶندٸرگەن. نەتيجەسٸندە جەبٸرلەنۋشٸ 21 ميلليون تەڭگەنٸ قولما-قول الىپ, قوراپقا سالىپ, بەلگٸسٸز ادامعا تابىستاعان.
جەدەل-ٸزدەستٸرۋ شارالارى بارىسىندا پوليتسييا قىزمەتكەرلەرٸ اقشا قاراجاتىن تٷرلٸ شوتتارعا اۋدارعان شەتەل ازاماتىن ۇستادى. قازٸرگٸ ۋاقىتتا كٷدٸكتٸ ۋاقىتشا ۇستاۋ يزولياتورىنا قامالىپ, تەرگەۋ امالدارى جٷرگٸزٸلٸپ جاتىر.
پوليتسييا ازاماتتاردى ساق بولۋعا شاقىرادى: بەلگٸسٸز ادامداردىڭ تەلەفون ارقىلى بەرگەن نۇسقاۋلارىنا سەنبەۋ كەرەك. بانك نەمەسە قۇقىق قورعاۋ ورگاندارى ەشقاشان اقشا اۋدارۋدى نەمەسە قولما-قول قاراجاتتى ٷشٸنشٸ تۇلعالارعا بەرۋدٸ تالاپ ەتپەيدٸ. كٷمەندٸ جاعداي تۋىنداسا, دەرەۋ پوليتسيياعا حابارلاسۋ قاجەت.
