سەنبٸ, جەكسەنبٸ كٷندەرٸ نۇر-سۇلتان قالاسىندا كٷشەيتٸلگەن كارانتين تالاپتارىن بۇزعان تۇرعىندار كٶشە ۆيدەوكامەرالارى ارقىلى انىقتالىپ وتىرادى, دەپ حابارلايدى "ۇلت اقپارات".
قازاقستاننىڭ بٸرقاتار ٶڭٸرٸندە ەپيدەميولوگييالىق احۋالدىڭ كٷردەلەنۋٸنە جەنە كوروناۆيرۋس ينفەكتسيياسىنا شالدىققاندار سانىنىڭ ارتۋىنا بايلانىستى ٷكٸمەت جانىنداعى ۆەدومستۆوارالىق كوميسسييا 20-21 ماۋسىم كٷندەرٸ قوسىمشا شەكتەۋ شارالارىن ەنگٸزگەن بولاتىن.
وسىلايشا, نۇر-سۇلتان قالاسىندا دەمالىس كٷندەرٸ بارلىق ساۋدا, ويىن-ساۋىق-ورتالىقتارىنىڭ, ساۋدا ٷيلەرٸنٸڭ, جەلٸلٸك دٷكەندەردٸڭ, جابىق ازىق-تٷلٸك جەنە ازىق-تٷلٸك ەمەس بازارلارىنىڭ, دٷكەندەردٸڭ جۇمىسى توقتاتىلدى. جاقىن ماڭداعى ازىق-تٷلٸك دٷكەنٸنە, مەديتسينالىق قىزمەت الۋعا بارۋدى قوسپاعاندا, ازاماتتاردىڭ ٷيدەن شىعۋىنا شەكتەۋ قويىلعان. قالا تۇرعىندارى قىزمەتٸنە رۇقسات ەتٸلگەن نىساندارعا جۇمىسقا بارىپ-كەلۋٸنە بولادى.
پوليتسييا دەپارتامەنتٸنەن مەلٸم ەتكەندەي, سەنبٸ-جەكسەنبٸ كٷندەرٸ پوليتسەيلەردٸڭ قىزمەتٸ كٷشەيتٸلگەن رەجيمگە كٶشٸرٸلدٸ.
نۇر-سۇلتان قالاسى بويىنشا باس سانيتارلىق دەرٸگەر تالاپتارىنىڭ ساقتالۋىنا مونيتورينگ ٷزدٸكسٸز جاسالۋدا. سونىمەن قاتار بۇل جۇمىستارعا iKOMEK مونيتورينگ جەنە جەدەل ەرەكەت ەتۋ ورتالىعى جۇمىلدىرىلعان.
iKOMEK-كە ينتەگراتسييالانعان قالالىق ۆيدەوباقىلاۋ كامەرالارىنىڭ كٶمەگٸمەن تۇرعىن ٷي اۋلالارىنا, ساياباقتارعا, سكۆەرلەر مەن باسقا دا قوعامدىق ورىندارعا مونيتورينگ جاسالىپ, كارانتين تالاپتارىن بۇزۋشىلار انىقتالىپ جاتىر. تٸركەلگەن دەرەكتەر جەدەل تٷردە پوليتسييا دەپارتامەنتٸنە جولدانۋدا. ٶز كەزەگٸندە تەرتٸپ ساقشىلارى ەلوردا تۇرعىندارى مەن قوناقتارىنا تٷسٸندٸرۋ جۇمىستارىن جٷرگٸزەدٸ.
«ەنگٸزٸلٸپ وتىرعان شەكتەۋ شارالارى ەپيدەميولوگييالىق احۋالدى جاقسارتىپ, كوروناۆيرۋس ينفەكتسيياسىنىڭ تارالۋىن بەسەڭدەتۋگە باعىتتالعانىن ايتىپ ٶتكەن جٶن.
قالانىڭ بارلىق تۇرعىندارى مەن قوناقتارىن ەلەۋمەتتٸك جاۋاپكەرشٸلٸك تانىتىپ, اسقان قاجەتتٸلٸكسٸز ٷيدەن شىقپاۋعا جەنە سانيتارلىق نورمالاردى ساقتاۋعا شاقىرامىز», - دەلٸنگەن پد اقپاراتىندا.
سەنبٸ, جەكسەنبٸ كٷندەرٸ ەلوردادا دەزينفەكتسييا شارالارى جٷرگٸزٸلەدٸ.
قالا ەكٸمٸ التاي كٶلگٸنوۆ دٷيسەنبٸدەن باستاپ كوروناۆيرۋس جۇقتىرعان ناۋقاستار ٷشٸن قوسىمشا 200 تٶسەك-ورىن دايىندالاتىنىن ايتتى.
