فوتو: Polisia.kz
پوليتسەيلەر استانا مەشٸتٸندە ۇرلىق جاساعان ەر ادامدى انىقتادى, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
بايقوڭىر اۋدانى پب كريمينالدىق پوليتسييا قىزمەتكەرلەرٸ مەشٸتتەگٸ ۇرلىق دەرەگٸن اشتى. جەدەل-ٸزدەستٸرۋ شارالارى بارىسىندا ناماز كەزٸندە اقشا ۇرلاعان 31 جاستاعى ەر ادام ۇستالدى.
تەرگەۋ بارىسىندا انىقتالعانداي, كٷدٸكتٸ راحيموۆ كٶشەسٸنٸڭ بويىنداعى مەشٸتكە بارعان. ناماز كەزٸندە ول زالدىڭ ەڭ سوڭعى قاتارىنا جايعاسادى. سول سەتتە تەرەزەنٸڭ الدىندا جاتقان كٷرتەشەلەرگە كٶزٸ تٷسەدٸ. نامازعا جينالعان جاماعاتتىڭ بايقاماي تۇرعانىن پايدالانىپ, كٷرتەشەلەردٸڭ بٸرٸن الىپ, قالتاسىن تەكسەرە باستاعان. ەميياننان 600 دوللار (270 مىڭ تەڭگە شاماسىندا) تاپقان. سٶيتٸپ اقشانى الىپ, ەميياندى كٷرتكەنٸڭ قالتاسىنا قايتا سالىپ, مەشٸتتەن شىعىپ كەتكەن.
"اتالعان دەرەككە قاتىستى قر قك-نٸڭ 188-بابى (ۇرلىق) بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر. ۇستالعان ازامات كٸنەسٸن مويىندادى, زاتتاي دەلەلدەمەلەر تەركٸلەندٸ, ونىڭ بۇرىن ەلوردا اۋماعىندا جاسالعان وسىعان ۇقساس قىلمىستارعا قاتىسى بار-جوعى تەكسەرٸلٸپ جاتىر" - دەلٸنگەن حابارلامادا.
